ಮಹೇಶರೇ,

ಹೋರಾಟ ಎಂಬುದನ್ನು ಹೋರ + ಆಟ ಎಂದು ಬಿಡಿಸುವುದು ಆಭಾಸ!
ನಿಜವಾಗಿ ಅದು ಹೋರು + ಆಟ = ಹೋರಾಟ (ಲೋಪಸಂಧಿ)
ಪೋರ್ - ಹೋರ್ - ಹೋರು = ಕಾದು, ಸೆಣೆಸು ಎಂದರ್ಥ.
ಇದೊಂದು ಅಪರೂಪದ ಪದ. ಕ್ರಿಯೆಗಿಂತ ಅದರ ನಾಮಪದದ ರೂಪವೇ ಹೆಚ್ಚು ಬಳಕೆಯಲ್ಲಿದೆ.ಕನ್ನಡ ತದ್ಧಿತವೇ ಇರಬಹುದು.

ಕೆಲವಕ್ಕೆ ಬಿಡಿಯರ್ಥ ತಿಳಿಯಲು ಹಳೆಗನ್ನಡ ಚೆನ್ನಾಗಿ ಗೊತ್ತಿರಬೇಕಾಗುತ್ತದೆ; ಈಗದು ಬಹಳ ಕಷ್ಟ!
ಉದಾಹರಣೆಗೆ ನಡುಗನ್ನಡದ 'ಮೇಲುದ' ಎಂಬ ಪದವನ್ನೇ ನೋಡಿ. ಹೊದಿಕೆ/ಉತ್ತರೀಯಕ್ಕೆ ಸರಿಯಾದ ಪದ.
ಬಿಡಿಸಿದರೆ ಮೇಲ್ + ಉದ = ಮೇಲಿನ ನೀರು ಎಂದಾಗುತ್ತದೆ! ಈ ಪದ ನೆನೆಪಾದಾಗಲೆಲ್ಲ ಕುಮಾರವ್ಯಾಸನ ಈ ಸಾಲುಗಳು ನೆನಪಾಗುತ್ತವೆ:

ಜವನ ಮೀಸೆಯನೆಳೆದನೋ ಭೈ
ರವನ ದಾಡೆಯಲುಗಿಸಿದನೋ ಮೃ
ತ್ಯುವಿನ ಮೇಲುದ ಸೆಳೆದನೋ ಕೇಸರಿಯ ಕೆಣಕಿದನೋ !
(ವಿರಾಟಪರ್ವ)

ನಿಮ್ಮವ

ಬೆನಕ