ನಮ್ಮ ಮನೆಗೆ ಒಬ್ಬರು ಬಂದಿದ್ದರು. ಅವರೂ ಕನ್ನಡಿಗರೇ . ನಾನು ಸಿ ಅಶ್ವಥ್ ಮತ್ತು ರತ್ನಮಾಲಾ ಅವರ ಸುಮಧುರ ಭಾವ ಗೀತೆಗಳನ್ನು ನನ್ನ ಮ್ಯೂಸಿಕ್ ಸಿಸ್ಟಂ ಅಲ್ಲಿ ಹಾಕಿದ್ದೆ . ' ಯಾರು ಹಾಡಿದ್ದು ? ಚೆನ್ನಾಗಿದೆ? ' ಎಂದು ಕೇಳಿದರು . ' ಆಗ ' ಸಿ. ಅಶ್ವತ್ಥ ಅವರದು ' ಎಂದು ಹೇಳಿದರೆ ' ಕೇಳಿದರು; 'ಸಿ. ಅಶ್ವತ್ಥ ? ಯಾರದು?' ಈಗ ಕನ್ನಡದಲ್ಲಿ ಸ್ಟಾರ್ ಸ್ಟೇಟಸ್ ಅವರಿಗಿದೆ , ಕನ್ನಡವೇ ಸತ್ಯ ಕಾರ್ಯಕ್ರಮಕ್ಕೆ ಲಕ್ಷ ಜನ ಸೇರಿದ್ದರು ' ಎಂದಷ್ಟೆ ಹೇಳಿ ಬೇಸರಪಟ್ಟುಕೊಂಡೆ.

ನಾವು ಕನ್ನಡವನ್ನೇ ಓದಬೇಕು , ಕನ್ನಡ ಟಿವಿ ನೋಡಬೇಕು . ಮಕ್ಕಳಿಗೆ ಕನ್ನಡ ಹಾಡುಗಳನ್ನು ಕಲಿಸಬೇಕು ( ಈಗಿನ ಎಷ್ಟು ಮಕ್ಕಳಿಗೆ ಪುಣ್ಯಕೋಟಿ ಗೋವಿನ ಹಾಡು ಗೊತ್ತಿದೆ? ) ಚಂದಮಾಮಾ , ಅಮರಚಿತ್ರ ಕಥೆಯಂತಹ ಕನ್ನಡ ಪುಸ್ತಕಗಳನ್ನು ಪರಿಚಯಿಸಬೇಕು. ಅಂತರ್ಜಾಲದಲ್ಲಿ ಕನ್ನಡ ಬಳಸಬೇಕು , ಬೆಳೆಸಬೇಕು. ಕನ್ನಡ ಪತ್ರಿಕೆ , ಕನ್ನಡ ಪುಸ್ತಕ ಓದಬೇಕು. ಮುಖ್ಯ ನಾವು ಸಾಧ್ಯವಾದಷ್ಟು ಕನ್ನಡ ಬಳಸಬೇಕು.

-- ಶ್ರೀಕಾಂತ ಮಿಶ್ರಿಕೋಟಿ
"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"