"ಸದ್ಯಕ್ಕೆ ನಾರಾಯಣ ಮೂರ್ತಿ ಮತ್ತು ರಾಹುಲ್ ಡ್ರಾವಿಡ್ ಮುಂದಿದ್ದಾರೆ.ರಾಜ್‌ಕುಮಾರ್ ಎರಡನೆಯ ಸ್ಥಾನದಲ್ಲಿದ್ದಾರೆ."
ಈ ಮಾತನ್ನು ನೋಡಿದರೆ ನಮ್ಮ ಕಡೆಯ "ಕುರುಬನಿಗೇನು ಗೊತ್ತು ಮುರುಗದ ಗಮನ" ಗಾದೆಯು ನೆನಪಾಗುತ್ತದೆ. "Who makes Bangalore proud?" ಗೆ ಇಡೀ ಭಾರತದಿಂದ ಮತಗಳು ಬಂದಿರುತ್ತವೆ. ಅದರಲ್ಲೂ ಕನ್ನಡೇತರರಿಗೆ ಕರ್ನಾಟಕದ ಬಗ್ಗೆ ಎಳ್ಳಷ್ಟು ಗೊತ್ತಿರದು.

ಈ ಸಂದರ್ಭದಲ್ಲಿ ನನಗೆ ನೆನಪಾಗುವುದು, ನಮ್ಮ ಚಿತ್ರತಾರೆ, ತಾರಾರಿಗೆ ರಾಷ್ಟ್ರ ಪ್ರಶಸ್ತಿ ಬಂದಾಗ, ಯಾವಳೂ ಮುಂಬೈಯವಳಿರಬೇಕು NDTVಗೆ ಹೀಗೆ ಬರೆದು ಕಳುಹಿಸಿದ್ದಳು "I am very sad that the Ash missed the award". ಅಯ್ಯೋ ಶಿವನೆ, ನೀನು ತಾರಾರವರ ಒಂದೂ ಸಿನಿಮಾ ನೋಡಿರದೆ, ಅವರು ಐಶ್ ಗಿಂತ ಕೆಟ್ಟನಟಿಯಂದುಕೊಳ್ಳುವುದು ಯಾವ ನ್ಯಾಯ?

ಇರಲಿ, ಬಿಡಿ.. ನಮ್ಮ ಹಣೆಬರಹವೇ ಇಷ್ಟು, ನಮಗೆ ಬಂಗಾಳದ ಶರತ್ ಚಂದ್ರ, ಬಂಕಿಮ ಚಂದ್ರ, ರಬೀಂದ್ರ ಮುಂತಾದವರು ಗೊತ್ತು, ಸಂಸ್ಕೃತ ಕಾಳಿದಾಸ, ಭಾಸರು ಗೊತ್ತು, ಹಿಂದಿಯ ಪ್ರೇಂ ಚಂದ್, ಮುಂತಾದವರು ಗೊತ್ತು, ತಮಿಳಿನ ಭಾರತಿಯರ್‍ ಗೊತ್ತು, ಇಂಗ್ಲೀಷ್ನವರಂತೋ ಗೊತ್ತೇ ಗೊತ್ತು. ಆದರೆ ಇಡೀ ಭಾರತದಲ್ಲಿ ಎಷ್ಟು ಜನರಿಗೆ ಕುವಿಂಪು, ಮಾಸ್ತಿ, ಬೇಂದ್ರೆ ಗೊತ್ತು?

ಕೊಸರು.."ಕುರುಬನಿಗೇನು ಗೊತ್ತು ಮುರುಗದ ಗಮನ" ಎಂಬುದು ಗಾದೆ(ಯಾವ ಜಾತಿಗೂ ಸಂಬಂಧಿಸಿದಲ್ಲ).