ಅಹೋರಾತ್ರಿಯವರೆ (ನಿಮ್ಮ ದಿಟವಾದ ಹೆಸರು ತಿಳಿದುಕೊಳ್ಳಲಾಸೆ, ತಿಳಿಸಿ ),

ನಿಮ್ಮ ಕವನ ವಸ್ತುಗಳು ಹೆಚ್ಚು ಬಾರಿ ಬಹಳ ಚೆನ್ನಾಗಿರುತ್ತವೆ. ನಿಮ್ಮ ಕವನವಸ್ತುಗಳ ಬಗ್ಗೆ ನನ್ನ ಮೆಚ್ಚುಗೆ ಯಾವಾಗಲೂ ಇದೇ ಇದೆ.

ಆದರೆ ಮಲ್ಲಿಗೆ ಮಗುವೆನ್ನುವ, ಕವನದ ಹೆಸರೇಕಿಟ್ಟಿರೆಂದು ನನಗೆ ಹೊಳೆಯಲಿಲ್ಲ.

ಕೆಲವು ಸಂಗತಿಗಳನ್ನು, ಅಭಿಪ್ರಾಯಗಳನ್ನು ಹೇಳುವೆನು, ದಯವಿಟ್ಟು ತಪ್ಪರಿಯಬೇಡಿರಿ.
೧) ದಯವಿಟ್ಟು ಆರನೆ ವಿಭಕ್ತಿಗಳನ್ನು ಉದ್ದವಾಗೆಳೆರದಿರಿ( ದೀರ್ಘ ಸ್ವರ ).
ಕಾರಣ:
ಚಂದ್ರನಾ ಪಟ್ಟದರಸಿ: ಎಂದರೆ "ಚಂದ್ರನ ಆ ಪಟ್ಟದರಸಿ" ಎಂತಾಗುವುದು, ಇದು ಸರಿ. ಆದರೆ ಕಪಟವರಿಯದಾ ಇವಳು : "ಕಪಟವರಿಯದ ಆ ಇವಳು" ಇದು ಸರಿಯಾಗಿ ತೋರದು. ಹಾಗೆ
ಬಡತನವಾ ಸರಿಸಿ = "ಬಡತನವ ಆ ಸರಿಸಿ"
೨)ಇನಿಧನಿ(ಅಲ್ಲ) = ಇನಿದನಿ.( ದನಿ, ಧ್ವನಿಯ ತದ್ಭವ ).

ವಾಕ್ಸಿರಿ = ಇದೊಂದು ಒಳ್ಳೆಯ ಬಳಕೆ. ವಾಕ್ (ಸಂಸ್ಕೃತ ), ಸಿರಿ(ಕನ್ನಡ) . ಇದು ಅರಿಸಮಾಸಕ್ಕೊಂದು ಉದಾಹರಣೆ.
ಇದನ್ನೆ ಮಾತ್ಸಿರಿ ಎನ್ನಬಹುದೆ?(ಬೆನಕರು, ನೋಡಬೇಕು)

ನೊಂದರೆ ಮನ್ನಿಸಿ,
ಮಹೇಶ