ಮಹೇಶರೇ,

ವಾಕ್ಸಿರಿ ಒಳ್ಳೆಯ ಬಳಕೆ; ವಾಕ್ಕಿಗೆ ಕನ್ನಡ ಬಳಸಲೇ ಬೇಕಾದಲ್ಲಿ 'ಸಿರಿಮಾತು' ಎನ್ನಬಹುದು.
ಅಥವಾ ನಲ್ + ಮಾತು = ನಲ್ವಾತು ಆಗಬಹುದೇನೋ. ಈ ನಲ್ವಾತು, ಮೆಲ್ವಾತು ಅರಿತಿರುವ ಜನ ಬಹಳ ಕಡಿಮೆ.

ಕವಿಗಳೇ,
ಒಂದು ಸಣ್ಣ ಸಲಹೆ ನೀಡಬಹುದೇ? ಈ ಸಾಲನ್ನು ಗಮನಿಸಿ:

ಮನೆಯ ಹಸಿರು ತೋರಣ
ಮನೆಗೆ ಬಂದ ಶ್ರಾವಣ

ತುಂಬ ಒಳ್ಳೆಯ ಪ್ರಯೋಗ; ಆದರೆ ಕವನದ ಸಣ್ಣ ಪರಿಮಿತಿಯೊಳಗೆ ಒಂದೇ ಪದವನ್ನು(ಮನೆ) ಬಹಳ ಬಾರಿ ಉಪಯೋಗಿಸದಿರುವುದು ಉತ್ತಮ.
ಮೇಲಿನ ಸಾಲುಗಳನ್ನು ಹೀಗೆನ್ನಬಹುದೇ:

ಮನೆಯ ಹಸಿರು ತೋರಣ
ಮನಕೆ ಬಂದ ಶ್ರಾವಣ

ಅಥವಾ

ಮನೆಯ ಹಸಿರು ತೋರಣ
ಬುವಿಗೆ ಬಂದ ಶ್ರಾವಣ

ಏಕೆಂದರೆ, ಶ್ರಾವಣ ಕೇವಲ ಒಂದು ಮನೆಗೆ ಬರುವುದಿಲ್ಲ; ಅದು ಇಡೀ ಪರಿಸರಕ್ಕೆ ಸಂಬಂಧಿಸಿದ್ದು; ಅಲ್ಲವೇ? ಮನಕೆ ಬಂದ ಶ್ರಾವಣ ಎಂಬಲ್ಲಿ ಮನಸ್ಸಿಗೆ ಹೊಸ ಋತುವಿನ ಕಳೆಯನ್ನು ಕೊಡುತ್ತದೆ; ಹಾಗೆಯೇ ಬುವಿಯ ಹಬ್ಬದ ಮಾಸ.

ಇದು ಕೇವಲ ಸಲಹೆ; ನೋಯದಿರಿ!
ನಿಮ್ಮವ

ಬೆನಕ