ಈಗ ಕನ್ನಡಿಗರಿಗೆ ಇಂಗ್ಲೀಶ್ ಭಾಷೆಯ ಪಿತ್ತ ಸ್ವಲ್ಪ ಜಾಸ್ತಿಯೇ ಇದೆ. ಕನ್ನಡ ಭಾಷೆಯಲ್ಲಿ ಲಭ್ಯವಿರುವ ಪದಗಳಿಗೂ ಇಂಗ್ಲೀಶ್ ಬಳಸುತ್ತಿದ್ದಾರೆ. ಉದಾಹರಣೆಗೆ ಅಪ್ಪ, ಅಮ್ಮ, ತಮ್ಮ, ಅಕ್ಕ, ಮಾವ, ಚಿಕ್ಕಮ್ಮ ಇತ್ಯಾದಿಗಳಿಗೆ ಬದಲಾಗಿ ಡ್ಯಾಡಿ, ಮಮ್ಮಿ, ಬ್ರದರ್, ಸಿಸ್ಟರ್, ಅಂಕಲ್, ಆಂಟಿ, ಇತ್ಯಾದಿ. ಬೆಂಗಳೂರಿನಲ್ಲಿ ಜನ ಬಳಸುವ ಕನ್ನಡ (?) ಭಾಷೆಯ ಒಂದು ಉದಾಹರಣೆ ನೋಡಿ -"ನಾನು ಸಂಡೇ ಇವ್‌ನಿಂಗ್ ಸಿಕ್ಸ್ ಥರ್ಟೀಗೆ ಬರುತ್ತೀನಿ". ಇದನ್ನು ಕನ್ನಡ ಮಿಶ್ರಿತ ಇಂಗ್ಲೀಶ್ ಎನ್ನಬೇಕೋ, ಇಂಗ್ಲೀಶ್ ಮಿಶ್ರಿತ ಕನ್ನಡ ಎನ್ನಬೇಕೋ ಅಥವಾ ಕಂಗ್ಲಿಶ್ ಎನ್ನಬೇಕೋ ನೀವೇ ಹೇಳಿ.

ಸಿಗೋಣ,
ಪವನಜ