ನನಗೆ ಬಹಳಚ್ಚುಮೆಚ್ಚಾದ ಮೈಸೂರು ಮಲ್ಲಿಗೆಯ "ಅಕ್ಕಿ ಆರಿಸುವಾಗ" ಹಾಡಿನಿಂದ ದಿನಕ್ಕೊಂದು ಹಾಡಿನ ಮೊದಲ ಕಂತು ಶುರು ಮಾಡಿದ್ದೇನೆ.
"ಅಕ್ಕಿ ಆರಿಸುವಾಗ ", ಇದರ ಸಾಹಿತ್ಯವನ್ನು ನಾನು ಉದ್ಭವ.ಸಂ ನಿಂದ ಪಡೆದೆನು.

ಸಾಹಿತ್ಯ.

ಮೈಸೂರು ಮಲ್ಲಿಗೆ - ಅಕ್ಕಿ ಆರಿಸುವಾಗ

ಅಕ್ಕಿ ಆರಿಸುವಾಗ
ಚಿಕ್ಕ ನುಚ್ಚಿನ ನಡುವೆ
ಬಂಗಾರವಿಲ್ಲದ ಬೆರಳು
ತಗ್ಗಿರುವ ಕೊರಳಿನ
ಸುತ್ತ ಕರಿಮಣಿಯೊಂದೆ
ಶೃಂಗಾರ ಕಾಣದ ಹೆರಳು
ಬಂಗಾರವಿಲ್ಲದ ಬೆರಳು

ಹೆರಳಿನ ಭಾರಕ್ಕೆ
ತುಂಬಿರುವ ಕೆನ್ನೆಯಲಿ
ಹದಿನಾರು ವರುಷದ ನೆರಳು
ದೀಪದಂತರಳಿದ ಸಿರಿಗಣ್ಣ ಸನ್ನೆಯಲಿ
ಹುಚ್ಚುಹೊಳೆ ಮುಂಗಾರಿನುರುಳು
ಬಂಗಾರವಿಲ್ಲದ ಬೆರಳು

ಕಲ್ಲ ಹರಳನು ಹುಡುಕಿ
ಎಲ್ಲಿಗೋ ಎಸೆವಾಗ
ಝ್ಹಲ್ಲೆನುವ ಬಳೆಯ ಸದ್ದು
ಅತ್ತ ಯಾರೋ ಹೋದ ಇತ್ತ ಯಾರೋ ಬಂದ
ಕಡೆಗೆಲ್ಲ ಕಣ್ಣುಬಿದ್ದು
ಬಂಗಾರವಿಲ್ಲದ ಬೆರಳು

ಮನೆಗೆಲಸ ಬೆಟ್ಟದಷ್ಟಿರಲು
ಸುಮ್ಮನೆ ಇವಳು

ಚಿತ್ರದಲಿ ತಂದಂತೆ ಇಹಳು
ಬೇಸರಿಯ ಕಿರಿಮುತ್ತು
ನುಚ್ಚಿನಲಿ ನುಚ್ಚಿರಲು
ಹುಡುಕುತಿವೆ ಆ ಹತ್ತು ಬೆರಳು
ಬಂಗಾರವಿಲ್ಲದ ಬೆರಳು