ಅಹೋರಾತ್ರರೆ,

ಕವನದ ವಸ್ತು ಚೆನ್ನಾಗಿದೆ. ಪಂಚಭೂತಾತ್ಮಕವಾದ ಪಂಚೇಂದ್ರಿಯಗಳನ್ನು ಪ್ರಾರ್ಥಿಸುವ ಬಗೆ ಚೆನ್ನಾಗಿದೆ.

ಬಹುಶಃ ಬೆರಳಚ್ಚಿನ ತೊಂದರೆಯೋ ಎನೋ ಕೆಲವು ಪದಗಳು ತಪ್ಪಾಗಿವೆ: 'ವೈಕುಂಟ', 'ಧುಃಖ', 'ಸ್ಪರ್ಷ' ಇತ್ಯಾದಿ.
ಆದರೆ 'ಇಂದ್ರೀಯ' ಎಂಬುದಕ್ಕೆ ನೀವೇನಾದರೂ ಬೇರೆ ಅರ್ಥ ಕಲ್ಪಿಸಿದ್ದೀರೋ, ಅಥವಾ 'ಇಂದ್ರಿಯ' ದ ತಪ್ಪಚ್ಚೋ ತಿಳಿಯಲಿಲ್ಲ.
ಇಂದ್ರೀಯ = ಇಂದ್ರನಿ(ಳಿ)ಗೆ ಸಂಬಂಧಿಸಿದ(?) ಎಂಬರ್ಥ ನನಗೇನೂ ತೋರಲಿಲ್ಲ ಇಲ್ಲಿ.

ಸಕಲ ಜೀವಕೋಟಿಗಳ ಉಸಿರನೀಗೊ ನಾಸಿಕಾ ಎಂಬಲ್ಲಿ ಮೂಗೇ ಎಲ್ಲರ ಕೊಲೆಗಾರ ಎಂಬಂತೆ ಅರ್ಥವಾಗುತ್ತದೆ. ನೀವು ಹೇಳಬಯಸಿದ್ದು ಸಕಲ ಜೀವಕೋಟಿಗಳ ಉಸಿರನಾಡೋ ನಾಸಿಕಾ ಎಂದೇ?
ಸುಮ್ಮನೆ ಕುತರ್ಕಕ್ಕೆ ಹೇಳುತ್ತೇನೆ, ತಪ್ಪು ತಿಳಿಯಬೇಡಿ: ಸಕಲ ಜೀವಕೋಟಿಗಳಿಗೂ 'ನಾಸಿಕ' ಇರುವುದಿಲ್ಲ!

ನಿಮ್ಮ

ಬೆನಕ