ನಮಸ್ಕಾರ ಅಂಜಲಿಯವರೆ.

ಅಂತರ್ಜಾಲದಲ್ಲಿ ಕಂಟೆಂಟ್ ಅನ್ನು ಸೂಕ್ತವಾಗಿ (ಇರುವ ಸಂಪನ್ಮೂಲಗಳನ್ನು ಬಳಸಿಕೊಂಡು) ನಿರ್ವಹಿಸಲು ಬಳಸಲಾಗುವ ತಂತ್ರಾಂಶವೇ ಈ CMS. ಸಂಪದದಂತಹ ಅಂತರ್ಜಾಲ ತಾಣಗಳನ್ನು ರೂಪಿಸಲು ಈ ತಂತ್ರಾಂಶದ ಬಳಕೆ ಅತ್ಯಗತ್ಯ. ಸದ್ಯ ಹಲವಾರು ಮುಕ್ತ CMSಗಳು ಅಂತರ್ಜಾಲದಲ್ಲಿ ಲಭ್ಯವಿವೆ. ಅಂತಹವುಗಳಲ್ಲಿ ' ದ್ರುಪಾಲ್ ' ಎಂಬುದು ಬಹು ಜನಪ್ರಿಯವಾದದ್ದು. ಸಂಪದ ಬಳಸುತ್ತಿರುವುದೇ ಇದನ್ನು. ಆದರೆ ಇವುಗಳ ಬಹುಮುಖ್ಯ ಕೊರತೆಯೆಂದರೆ ಇವುಗಳು ಇಂಗ್ಲಿಷ್ ಭಾಷೆಯನ್ನು ಗಮನದಲ್ಲಿರಿಸಿಕೊಂಡು ತಯಾರಾಗಿರುವಂತಹವು. ಇತರೆ ಭಾಷೆಗಳಿಗೆ ಒಗ್ಗಿಸಲು ಮೇಲೆ ತಿಳಿಸಿರುವಂತೆ ಹರಸಾಹಸ ಮಾಡಬೇಕಾಗುತ್ತದೆ.
ಹಾಗೆ ಒಗ್ಗಿಸುವ ಪ್ರಯತ್ನಗಳಂತೂ ಊಹೂ...ನಡೆದೇ ಇಲ್ಲ ಎನ್ನಬಹುದು. ಸಾಲದ್ದಕ್ಕೆ ಕನ್ನಡ ಅಂತರ್ಜಾಲ ತಾಣ ರೂಪಿಸಲು ಯೂನಿಕೋಡಿಗೇ ಮೊರೆಹೋಗಬೇಕು. ಹೀಗಿರುವಾಗ ಕನ್ನಡ ಹಾಗೂ ಇತರ ಯಾವುದೇ ಭಾಷೆಯಲ್ಲಿಯೂ , ಯಾವುದೇ ಎನ್ಕೋಡಿಂಗ್ ಬಳಸಿಕೊಂಡು ಬಹುಭಾಷಾ ತಾಣಗಳನ್ನು ರೂಪಿಸಿ ನಡೆಸುವ ಸೌಲಭ್ಯವನ್ನು ' ಸಂಪೂರ್ಣ ' ಒದಗಿಸುತ್ತದೆ. ಅಲ್ಲದೆ ಇದು ತಂತ್ರಜ್ಞಾನ ಕ್ಷೇತ್ರಕ್ಕಿಂತ ಬಹುಭಿನ್ನವಾದ ಸಾಹಿತ್ಯ ತಾಣ ಕನ್ನಡಸಾಹಿತ್ಯ.ಕಾಂ ನವರು ಆಸ್ಥೆಯಿಂದ ಅಭಿವೃದ್ಧಿಪಡಿಸಿರುವಂತಹದು. ತಂತ್ರಜ್ಞಾನ ಕ್ಷೇತ್ರದಲ್ಲೇ ಸಂಪೂರ್ಣವಾಗಿ ಮುಳುಗಿಹೋಗಿರುವ ಆಸಕ್ತರೂ ಸಹ ಕನ್ನಡ ಭಾಷೆಯ ಅಗತ್ಯಗಳನ್ನು ಕಡೆಗಣಿಸಿರುವುದಕ್ಕೆ, ತಕ್ಕ ಉತ್ತರ ನೀಡುತ್ತದೆ ಈ ತಂತ್ರಾಂಶ.
ಇದರ ಡೆಮೋ ವರ್ಷನ್ ಅನ್ನು ನೋಡಲು ಇಲ್ಲಿಗೊಮ್ಮೆ ಭೇಟಿ ಕೊಡಿ. http://www.sampoorna.kannadasaahithya.com/

ಇದನ್ನು ಬಳಸಲು ಅಗತ್ಯವಿರುವ ಬಳಕೆದಾರರ ಕೈಪಿಡಿಯೂ ಅಲ್ಲಿ ಲಭ್ಯವಿದೆ.

ಧನ್ಯವಾದಗಳು,

ರೋಹಿತ್.