"committed developers community" ಎಂಬುದು ರೂಪುಗೊಳ್ಳಬೇಕಾದರೆ ಅದನ್ನು ರೂಪಿಸುವ ಕೆಲಸ ಎಲ್ಲೋ ಒಂದು ಕಡೆ ಆರಂಭವಾಗಬೇಕು. ಮ್ಯಾಕ್ ನಲ್ಲಿ ಕನ್ನಡ ಯೂನಿಕೋಡ್ ಕಾಣಿಸಲು ಆರಂಭವಾದದ್ದು ಕನ್ನಡವಲ್ಲೇ ಗೊತ್ತಿಲ್ಲದ ಒಬ್ಬರಿಂದ. ಇದಕ್ಕೆ ಸಂಪದದ ಹರಿಪ್ರಸಾದ್ ನಾಡಿಗ್ ಕೂಡ ಸಹಾಯ ಮಾಡಿದರೆಂದು ಮ್ಯಾಕ್ ಗೆ ಕನ್ನಡವನ್ನು ಅಳವಡಿಸಿದ ನಿಕೋಲಸ್ ಶಾಂಕ್ಸ್ ಬರೆದಿದ್ದಾರೆ. ಯಾವುದನ್ನಾದರೂ ಮುಕ್ತವಾಗಿ ಅಭಿವೃದ್ಧಿ ಪಡಿಸಲು ಹೊರಟರೆ ನಾವು ನಿರೀಕ್ಷಿಸದ ಸ್ಥಳಗಳಿಂದಲೂ ಸಹಾಯ ದೊರೆಯಬಹುದು ಎಂಬುದಷ್ಟೇ ನನ್ನ ಅಭಿಪ್ರಾಯ. ನಾನು ಕನ್ನಡ ಸಾಹಿತ್ಯ ಡಾಟ್ ಕಾಂ ಮಾಡುತ್ತಿರುವ ಪ್ರಯತ್ನವನ್ನು ಸಣ್ಣದು ಎಂದು ಹೇಳುತ್ತಿಲ್ಲ. ಇನ್ನು ದ್ರುಪಾಲ್ ಕಸ್ಟಮೈಸ್ ಮಾಡುವ ವಿಷಯ. ಈಗಿರುವಂತೆಯೇ ದ್ರುಪಾಲ್ ಎಎನ್ಎಸ್ಐ ಅಕ್ಷರಗಳನ್ನು ಯಾವುದೇ ತೊಂದರೆಯಿಲ್ಲದೆ ಬಳಸುತ್ತದೆ. ಎರಡನ್ನೂ ಒಟ್ಟಿಗೆ ಹಾಕುವುದಕ್ಕೆ ಕೆಲಮಟ್ಟಿಗಿನ ಕೆಲಸ ಮಾಡಬೇಕಾಗುತ್ತದೆ. ಆ ತಾಂತ್ರಿಕ ವಿವರಗಳನ್ನು ಬರೆಯುವುದಕ್ಕೆ ಇದು ವೇದಿಕೆಯಲ್ಲ ಎಂದುಕೊಳ್ಳುತ್ತೇನೆ.