ಬೆನಕರೆ,
ಶರಣು!

ನೀವು ಬರೆದದ್ದನ್ನು ಸುನಿಲರು ನನಗೆ ತೋರಿಸಿದರು.

ನಿಮ್ಮ
"ದರಿದ್ರ -> ದಾ + ರಿ + ದ್ರ್ + ಯ = ದಾರಿದ್ರ್ಯ. ಇದೇ ಪದವೇ ಅಪಭ್ರಂಶವಾಗಿ 'ದಾರಿದ್ರ' ವಾಗಿ 'ದಾರಿದ್ರತೆ'ಯೂ ಆಗಿಬಿಟ್ಟಿದೆ! ಬಹಳ ತಪ್ಪು!" ಮಾತಿಗೆ ಸಂಬಂಧಿಸಿದಂತೊಂದು ಮನವಿ.

"ದಾರಿದ್ರತಾ" ಇದು ತಪ್ಪೆಂದೊಪ್ಪುತ್ತೇನೆ.

ನಾನೊಂದು ಸುಭಾಷಿತವನ್ನು ಕಲಿತಿಹೆನು, ಅದು

ಪ್ರಿಯವಾಕ್ಯಪ್ರದಾನೇನ ಸರ್ವೇ ತುಷ್ಯಂತಿ ಜಂತವಃ|
ತಸ್ಮಾತ್-ತದೇವ ವಕ್ತವ್ಯಂ ವಚನೇ ಕಾ ದರಿದ್ರತಾ||

ಈ ಸುಭಾಷಿತದಲ್ಲಿ "ದರಿದ್ರತಾ" ಎನ್ನುವುದು ವ್ಯಾಕರಣದೋಷವೆ? ಇದೊಂದು ಬಹಳ ಪ್ರಸಿದ್ಧವಾದ ಸುಭಾಷಿತ?

ನನ್ನ ತಿಳಿವಿನಂತೆ
ದಾರಿದ್ರ್‍ಯಂ(ನಪುಂಸಕಲಿಂಗ) = ದರಿದ್ರತಾ (ಸ್ತ್ರೀಲಿಂಗ)
ಔದಾರ್ಯಂ(ನಪುಂಸಕಲಿಂಗ) = ಉದಾರತಾ(ಸ್ತ್ರೀಲಿಂಗ)
ಕಾರುಣ್ಯಂ (ನಪುಂಸಕಲಿಂಗ) = ಕರುಣಾ(ಸ್ತ್ರೀಲಿಂಗ)
ಕ್ರೌರ್ಯಂ (ನಪುಂಸಕಲಿಂಗ) = ಕ್ರೂರತಾ(ಸ್ತ್ರೀಲಿಂಗ)

ಕೊನೆಯ ಮಾತು, ಕನ್ನಡ ವ್ಯಾಕರಣವು, ಸಂಸ್ಕೃತ ವ್ಯಾಕರಣವನ್ನು ಇಷ್ಟೊಂದು ಅವಲಂಬಿಸಿದೆಯೆ?

ಇಂತಿ,
ಮಹೇಶ.