ಮಹೇಶರೆ,

ಖಂಡಿತವಾಗಿಯೂ ಅದು ಚಿರಪರಿಚಿತ ಉತ್ತಮ ಸುಭಾಷಿತ; ಅದರಲ್ಲಿನ 'ದರಿದ್ರತಾ' ಎಂಬ ಪ್ರಯೋಗ ಸರಿಯಾಗಿಯೇ ಇದೆ. ಬಹುಶಃ ನೀವು ಸಂಬಂಧಾರ್ಥಕ ತದ್ಧಿತದ ೪ ನೇ ಉದಾಹರಣೆಯನ್ನು ಗಮನಿಸಿಲ್ಲವೆನಿಸುತ್ತದೆ. 'ದಾರಿದ್ರ್ಯಂ' ಹಾಗೂ 'ದರಿದ್ರತಾ' ಎರಡೂ ಸರಿಯೇ - ಕನ್ನಡದಲ್ಲಿ ಅವು - ದಾರಿದ್ರ್ಯ ಹಾಗೂ ದರಿದ್ರತೆ; ಎರಡೂ ಸರಿಯಾಗಿವೆ. ನಾನು ಹೇಳಿದ್ದು 'ದಾರಿದ್ರತಾ' ಎಂಬುದು ದೋಷ ಎಂದು. ಸಂಸ್ಕೃತಭಾಷೆ ಭಾರತದ ಭಾಷೆಗಳಲ್ಲಿ ಹಾಸು-ಹೊಕ್ಕಾಗಿದೆ; ಆದ್ದರಿಂದ ಸಂಸ್ಕೃತ ಪದಗಳನ್ನು ಬಳಸುವಾಗ ಆ ಭಾಷೆಯ ವ್ಯಾಕರಣವನ್ನು ಅನುಸರಿಸುವುದು ಸೂಕ್ತವೆಂದು ನನ್ನ ಅಭಿಪ್ರಾಯ. ತಿಳಿದೋ ತಿಳಿಯದೆಯೋ, ಈಗಾಗಲೇ ಅದು ಎಲ್ಲ ಭಾಷೆಗಳಲ್ಲೂ ಅನುಸರಿಸಲ್ಪಡುತ್ತಿದೆ.

ನಿಮ್ಮವ

ಬೆನಕ