ನಮಗೆ ಗೊತ್ತಿರುವುದು ಒಂದು ಕನ್ನಡವು.

ಆದರೆ ಬಹಳ ಕನ್ನಡಗಳನ್ನು ಅರಿತಿರುವ ಕನ್ನಡಗಳ ಚದುರರು ಹೇಳುವುದರಲ್ಲಿ ತಪ್ಪುಂಟೆ, ಇರಲು ಸಾಧ್ಯವೆ!

ಹೊಸತೊಂದು(ನಮಗೆ ಹೊಸತು) ಕನ್ನಡದಲ್ಲಿ.

ಬಿಳಿಯನ್ನ/ಬರಿಯನ್ನ(ಅನ್ನ = ಒಗರು) = ಪ್ಲೈನ್ ರಾಸೈ
ಪಲ್ಯ/ಗೊಜ್ಜು = ಕರ್ರಿ‍.
ಮಜ್ಜಿಗೆ = ಬಟ್ಟರ ಮಿಲ್ಕು
ಮೊಸರು = ಕರ್ಡುಸು
ಮೊಸರನ್ನ = ಕರಡು ರೈಸು
ಹುಳಿತೊವ್ವೆ = ಸಾಂಬಾರು ( ಸಾಂಬಾರು, ಹುಳಿ ತೊವ್ವೆ, ಕೂಟು ಎಲ್ಲ ಸಾಂಬಾರೆ)
ತೊವ್ವೆ = ದಾಲ್
ಪುಳಿಯೊಗರೆ = ಪುಳಿಯೋಗರ(MTR ad ನೋಡಿ)

ಹೀಗೆ ಪಟ್ಟಿ ಮಾಡಿದರೆ ಒಂದು "ಈ ಕನ್ನಡದಿಂದ" "ಆ ಕನ್ನಡಕ್ಕೆ" ಎಂಬ ನಿಘಂಟು-ಬರೆಯಬಹುದು.

ಬೆಂಗಳೂರಿನ ಹೋಟೆಲುಗಳಲ್ಲಿ ಯಾರಿಗೆ ಕೂಡ "ಮಾವಿನ ಪಾನಕ", "ಉಪ್ಪಿಟ್ಟು", "ಕಿತ್ತಳೆ ಪಾನಕ", "ಮೊಸರನ್ನ" ಗೊತ್ತೇ ಇಲ್ಲ. ಅವರ ಕನ್ನಡದಲ್ಲಿ ಅದೇನಿದ್ದರು "ಮ್ಯಾಂಗೋ ಜ್ಯೂಸ್", "ಕಾರ ಬಾತ್", "ಆರೇಂಜ್ ಜ್ಯೂಸ್", "ಕರಡು ರೈಸು".

ಇನ್ನು ಮಿಕ್ಕ ತಿಂಡಿ ತಿನಿಸುಗಳ ಹೆಸರುಗಳು ಕೂಡ ಕಕ್ಕಬಿಕ್ಕಿ(ಅಲ್ಲ, ಯಾವುದೋ ಬೇರೆ ಕನ್ನಡದ್ದು).

ನಮ್ಮಂತಹ ಒಂದೇ ಒಂದು ಕನ್ನಡವನ್ನು ಕಲಿತಿರುವ ದಡ್ಡರಿಗೆ ಅದು ಎಲ್ಲಿಂದ ಅರ್ಥವಾಗಬೇಕು.