ಮಹೇಶರೇ,

ಯಾರೂ, ಯಾವ ಅಕ್ಕರವನ್ನೂ 'ತೆಗೆದುಹಾಕಿಲ್ಲ' ಸ್ವಾಮಿ! 'ರ' ಹಾಗೂ 'ಱ' ಜೊತೆಗೆ 'ಳ' ಮತ್ತು 'ೞ'ಕಾರದ ಸದ್ದು ಒಂದೇ ರೀತಿ ಕೇಳುತ್ತಿದ್ದರಿಂದ 'ರ' ಹಾಗೂ 'ಳ'ಗಳು 'ಉಳಿದುಕೊಂಡಿವೆ' ಅಷ್ಟೆ. ಅಲ್ಲದೆ ಹೊಸಗನ್ನಡದಲ್ಲಿ ಅವೆರಡೂ ಅಕ್ಷರಗಳು ಇಲ್ಲವಾದದ್ದಕ್ಕೆ ಸಕ್ಕದವೇ ಕಾರಣ ಎಂಬ ಮಾತಿನಲ್ಲಿ ಹುರುಳಿಲ್ಲ!

ಸಃ ಗಾಯತಿ - ಅವನು ಹಾಡುತ್ತಾನೆ
ಸಾ ಗಾಯತಿ - ಅವಳು ಹಾಡುತ್ತಾಳೆ
ತತ್ ಗಾಯತಿ - ಅದು ಹಾಡುತ್ತದೆ

ನನಗೆ ಗೊತ್ತು ನೀವಿದನ್ನು ಹೇಳುತ್ತೀರಿ ಎಂದು; ಕ್ರಿಯಾಪದ ಲಿಂಗವನ್ನು ಅವಲಂಬಿಸಿರುವುದೇ ದ್ರಾವಿಡಭಾಷೆಯ ಭಿನ್ನತೆಯಲ್ಲ. ಏಕೆಂದರೆ ಸಕ್ಕದದಿಂದಲೇ ಹುಟ್ಟಿದ್ದೆಂದು ಎಲ್ಲರೂ ಒಪ್ಪಿರುವ 'ಹಿಂದೀ', ಉರ್ದು ಇತ್ಯಾದಿ ಭಾಷೆಗಳಲ್ಲೂ ಕ್ರಿಯಾಪದದ ಲಿಂಗಾವಲಂಬನೆ ಇದೆ! ಉದಾ:

ರಾಮ್ ಗಾತಾ ಹೈ - ರಾಮನು ಹಾಡುತ್ತಾನೆ.
ಸೀತಾ ಗಾತೀ ಹೈ - ಸೀತೆಯು ಹಾಡುತ್ತಾಳೆ.

ಇದಕ್ಕೇನು ಹೇಳುತ್ತೀರಿ?

೪)ಸಕ್ಕದದ ಪದಗಳು ಕನ್ನಡದ ಪದಗಳಾಗಿದ್ದರೆ ತತ್ಸಮ, ತತ್ಭವಗಳು ಏಕೆ ಆಗುತ್ತಿದ್ದವು? ಇದುವೆ ದೊಡ್ಡ ಪುರಾವೆ. ಸಕ್ಕದದ ಉಚ್ಚರಣೆಗೆ ಸಲೀಸಲ್ಲದ ಪದಗಳು ಕನ್ನಡದ ಬಾಯಿಗೆ ಬಿದ್ದು ಹಾಗೆ ಆದವು, ಹೊರತು ಪಾಣಿನಿಯೆ ಅದಕ್ಕಾಗಿ ಯಾವ ಬೇಗರಣ(ವ್ಯಾಕರಣ) ಕಾನೂನನ್ನು ಬರೆದಿಲ್ಲ.

೫)ಮಂದಿಪದ(ಜಾನಪದ)ದಲ್ಲಿ ಸಕ್ಕದದ ಪದಗಳು ಕಡಮೆ, ಅಂದರೆ ಬಹಳ ಬಹಳ ಕಡಮೆ ಏಕೆ? ಏಕೆಂದರೆ ಹಳ್ಳಿಯವರಿಗೆ(ಅಚ್ಚ ಕನ್ನಡಿಗರು, ಪಟ್ಡಣದ ಬೇರೆ ನುಡಿಯ ಗಾಳಿಯು ಸೋಕದವರು) ಆ ಪದಗಳೇ ಗೊತ್ತಿಲ್ಲ. ಮಂದಿಪದದಲ್ಲಿ ತತ್ಸಮಗಳು ಕೂಡ ಕಡಮೆ ಏಕೆ?

ಇದಕ್ಕೆ ಸಾಕ್ಷಿ ಏನು? ಎಲ್ಲಿದೆ ಪುರಾವೆ? ಕೇವಲ ಪಂಡಿತರ ಅಭಿಪ್ರಾಯ ಅಷ್ಟೆ. ಪುರಾವೆಯಿದ್ದಲ್ಲಿ ತಿಳಿಯಲು ನಾನೂ ಕುತೂಹಲಿಯಾಗಿದ್ದೇನೆ.

ಅದನ್ನೇ ನಾನೂ ಕೇಳುತ್ತಿರುವುದು!

ಅದನ್ನೇ ನಾನೂ ಹೇಳುತ್ತಿರುವುದು!

ಮಹೇಶರೇ, ಗುಟ್ಟಲ್ಲದ ಗುಟ್ಟನ್ನು ಹೇಳುತ್ತೇನೆ ಕೇಳಿ. ಸಂಸ್ಕೃತ - ದ್ರಾವಿಡ ಭಾಷೆಗಳನ್ನು ಬೇರ್ಪಡಿಸಿ ನೋಡುವ ಉದ್ದೇಶ ಯಾವ ಭಾರತೀಯನಿಗೂ ಇರಲಿಲ್ಲ; ಇದನ್ನು ತಮ್ಮ ರಾಜಕೀಯ ಲಾಭಕ್ಕೆ ಬಳಸಿಕೊಂಡು ಇಲ್ಲದ ಭೇದವನ್ನು ಕಲ್ಪಿಸಿ ತಮಾಷೆ ನೋಡಿದವರೇ ಬ್ರಿಟಿಷರು! ಇದರಿಂದ ಆರ್ಯಾವರ್ತ - ದಕ್ಷಿಣಾಪಥಗಳಲ್ಲಿ ಹಗೆತನ ಹೆಚ್ಚಿ ಹದಗೆಟ್ಟು ಈ ಪರಿಸ್ಥಿತಿಗೆ ಬಂದಿದೆ. ಊಹೆಯಲ್ಲಿದ್ದ ತೆಂಕಣದ ತಾಯ್ನುಡಿಗೆ 'ದ್ರಾವಿಡ' ಎಂಬ ಹೆಸರಿಟ್ಟವರೇ ಆಂಗ್ಲರು! ಇದಕ್ಕೆ ಅವರು 'ಸಂಶೋಧನೆ' ಎಂಬ ಹಣೆಪಟ್ಟಿ ಹಚ್ಚಿದರು ಅಷ್ಟೇ. ಇನ್ನೂ ಈ ಹಗೆತನ ಮುನ್ನಡೆಯಲಿ ಎನ್ನುವಿರಾ? ಉತ್ತರದೊಂದಿಗೆ ದಕ್ಷಿಣವನ್ನು ಬೆಸೆಯುವ ಮಹಾನ್ ಕೊಂಡಿಯೇ ಸಂಸ್ಕೃತಭಾಷೆ ಎಂಬುದನ್ನು ಮರೆಯದಿರಿ. ನಮ್ಮ-ನಿಮ್ಮೆಲ್ಲರಿಗಿಂತ ಕನ್ನಡವನ್ನು ಚೆನ್ನಾಗಿ ತಿಳಿದಿದ್ದ ಹಳೆ-ನಡು-ಹೊಸಗನ್ನಡದ ಆಗಿಹೋದ ಕವಿ-ಕಲಿಗಳು ತಮ್ಮ ಕೃತಿಗಳಲ್ಲಿ ಸಕ್ಕದವನ್ನು ಕೊಲ್ಲದೆ ಉಳಿಸಿಕೊಂಡಿದ್ದೂ ಇದೇ ಕಾರಣಕ್ಕಾಗಿಯೇ. 'ನಮಗೆ ಹಿಂದೀ ಬೇಡವೇ ಬೇಡ' ಎಂದ ನೆರೆರಾಜ್ಯದ ದುರಭಿಮಾನದ ಫಲವಾಗಿ ಆಂಗ್ಲದ ಅಟ್ಟಹಾಸ ಮೆರೆದಿರುವ ದುರ್ಗತಿ ನಮಗೂ ಬಾರದಿರಲಿ!

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.