ಅಂತೂ ಯಾರೂ ಕನ್ನಡ ತಮಗಿಷ್ಟ ಬಂದ ಹಾಗೆ ಬಳಸದೇ ಇರೋ ಹಾಗೆ (ಸಂಪದದ ಮಟ್ಟಿಗಂತೂ) ನಿರ್ಬಂಧ ಹೇರೋದಕ್ಕೆ ಶುರುಮಾಡಿದ್ದೀರಿ. ನಿಮ್ಮ ಕಾಮೆಂಟುಗಳನ್ನೋದಿ ಸಂಪದಕ್ಕೆ ಬರೆಯುವವರು ಬರೆಯುವುದನ್ನೇ ನಿಲ್ಲಿಸಿಬಿಟ್ಟರೆ ಸಂತೋಷವಾಗುತ್ತದೆಯೋ?

ಸಂಗನಗೌಡರಂತೂ "ಹೀಗೆ ಬರೆಯುವುದಾದರೆ ಬರೆಯಲೇಬೇಡಿ" ಎಂದು ಬರೆದದ್ದು ಸ್ವಲ್ಪವೂ ಸರಿ ಬೀಳುವಂತಿಲ್ಲ.

ಮಾರಾಯ, ಭಾಷೆ ಹೇಗೆ ಬೆಳೆಯುತ್ತದೋ ಹಾಗೆ ಬೆಳೆಯೋದಕ್ಕೆ ಯಾಕೆ ಬಿಡಬಾರದು? ಅದು "ಹೀಗೇ ಇರಬೇಕು" ಅನ್ನೋ ಹಠ ಯಾಕೆ? ಸಂಸ್ಕೃತ ಇಷ್ಟವಿದ್ದವರು ಅದರ ಪದಗಳನ್ನು ಬಳಸುತ್ತಾರೆ, "ಆ ಪದ ಬಳಸಬೇಡಿ" ಎಂದು ಹೇಳೋಕೆ ಹೊರಡೋದು ಯಾಕೆ?

ಭಾಷೆ ಶುದ್ಧಿ, ಹಾಗೂ ಬೆರಕೆ ಎರಡೂ ಕಡೆಯ extremism ಚೆನ್ನಾಗಿರುವುದಿಲ್ಲ. ಬಳಕೆಯಲ್ಲಿ ಒಂದಷ್ಟು ಮಟ್ಟಿಗೆ ಸಮತೋಲನವೊಂದಿದ್ದರೆ ಸಾಕು. ಕೊನೆಗೆ ಸಂವಹನವೊಂದೇ ಮುಖ್ಯ ಅಲ್ವೆ? ಇಂಗ್ಲಿಷಿನವರು ಪದವೊಂದನ್ನು ಬಳಸುವಾಗ "ಇದು ಫ್ರೆಂಚ್ ಮೂಲದ ಶಬ್ಧ, ಬಳ್ಸೋದು ಬೇಡ", "ಇದು ಇಟಾಲಿಯನ್ ಮೂಲದ ಪದ, ಬಳಸೋದು ಬೇಡ" ಎನ್ನುತ್ತಿದ್ದರೆ ಎಷ್ಟು ತಮಾಷೆಯಾಗಿರುತ್ತಿತ್ತು?

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"