Quote:

ಕೊನೆಗೆ ಸಂವಹನವೊಂದೇ ಮುಖ್ಯ ಅಲ್ವೆ? ಇಂಗ್ಲಿಷಿನವರು ಪದವೊಂದನ್ನು ಬಳಸುವಾಗ "ಇದು ಫ್ರೆಂಚ್ ಮೂಲದ ಶಬ್ಧ, ಬಳ್ಸೋದು ಬೇಡ", "ಇದು ಇಟಾಲಿಯನ್ ಮೂಲದ ಪದ, ಬಳಸೋದು ಬೇಡ" ಎನ್ನುತ್ತಿದ್ದರೆ ಎಷ್ಟು ತಮಾಷೆಯಾಗಿರುತ್ತಿತ್ತು?

ಒಂದು ಸಂಗತಿ, "ಸಂವಹನ" ಎಂದರೆ ಏನು ಗೊತ್ತೆ? ಸಂ+ವಹನ(ಹೊರುವುದು)(ಈ ಸಕ್ಕದದ ಉಪಸರ್ಗಗಳು ಆ ದೇವರಿಗೆ ಕೂಡ ಅರ್ಥವಾಗದು). ಇರಲಿ

ಬರಿ ಮಾಹಿತಿಯೆ ತಲೆಯಂತಹದ್ದಾದರೆ, ಅದನ್ನು ಬರಿ ಇಂಗ್ಲೀಸು ಇಲ್ಲವೆ ಸಕ್ಕದವನ್ನು ಬಳಸಿ ಸಾಗಿಸಹುದಲ್ಲ. ಇದರಿಂದ ಕನ್ನಡವನ್ನು ಉಳಿಸುವ, ಬೆಳೆಸುವ ಗೋಳು ತಪ್ಪುತ್ತದೆ. ನುಡಿಗೆ ಯಾವ ಬೆಲೆಯಿಲ್ಲವೆ?

ಪ್ರೆಂಚರು, ರಸ್ಸಿಯನ್ನರು, ಜಪಾನಿಯರು, ಚೀನಿಯರು, ತಮಿಳರು ಎನಿತು ಇಂಗ್ಲೀಸು ಇಲ್ಲವೆ ಹೊರನುಡಿಯ ಪದಗಳನ್ನು ಬಳಸುತ್ತಾರೆ? ಅವರ ನುಡಿಗಳು "ಸಂವಹನ" ಮಾಡುವುದಿಲ್ಲವೆ? ಇಂದು ಮಲೇಸಿಯ ನಾಡಿನಲ್ಲಿ ಒಂದು ಕಾನೂನು ತರಲು ಮುಂದಾಗಿದ್ದಾರೆ, ಅವರ ನುಡಿಯಾದ "ಮಲೆಯ"ವನ್ನು ಹಸನು ಮಾಡುವ ಗುರಿಯಿಂದ. ಆದುದರಿಂದ ಈ ಯೋಚನೆ ಬರಿ ನಾವೊಬ್ಬರದೇ ಅಲ್ಲ.

ಬರೆಯುವವರು ಬರೆಯಲಿ, ಸಕ್ಕದವರಾದರೆ ಸಕ್ಕದದಲ್ಲಿ, ಇಂಗ್ಲೀಸಿನವರಾದರೆ ಇಂಗ್ಲೀಸಿನಲ್ಲಿ ಬರೆಯಲಿ.
ಆದರೆ ಕನ್ನಡದಲ್ಲಿ ಈ ಹೊರನುಡಿಗಳ ಪದಗಳ ತುರುಕಾಟ ಬೇಡ.

ಪಾಪ, ಯಾವುದು ಸಕ್ಕದ, ಯಾವುದು ಕನ್ನಡ, ಯಾವುದು ಇಂಗ್ಲೀಸು ಎಂದು ಅರಿಯದೇ ಬರೆಯುವವರಿಗೆ ಏನು ಹೇಳುವುದು? ಇಂತವರೆ ಇಂದು ಹೆಚ್ಚು 'ಕನ್ನಡ ಬರಹ'ಎಂದು ಬರೆಯುತ್ತಿರುವವರು. ಅವರಿಗೆ ಕನ್ನಡದ ಬೇಗರಣವು(ವ್ಯಾಕರಣವು) ತಲೆಯಲ್ಲಿಲ್ಲ, ಇಲ್ಲವೆ ಸಕ್ಕದದ ಬೇಗರಣವು ಇಲ್ಲ. ಬೇಗರಣವನ್ನರಿಯದೇ ಪುಟಗಟ್ಟಲೇ ಬರೆಯುವವರು. ಏನಾದರು ಹೇಳಿದರೆ ಇದ್ದೇ ಇದೆಯಲ್ಲ "ಸಂವಹನ", "ಚೈತನ್ಯ ಶೀಲ" ಮುಂತಾದವುಗಳು.

ಒಟ್ಟಿನಲ್ಲಿ ನಮ್ಮ ಬರಹಗಾರರಿಗೆ ಬೇರೆ ನುಡಿಯಿಂದ ಪದಗಳನ್ನು ಬಳಸದೇ ಬರೆಯಲು ಆಗದು. ಏಕೆಂದರೆ ಅವರಿಗೆ ಬೇಕಾಗುವಷ್ಟು ಕನ್ನಡದ ಪದಗಳೇ ಗೊತ್ತಿಲ್ಲ.

ಇದಕ್ಕೆ "ನಿನಗೆ ಗೊತ್ತೇ" ಎಂದು ಕೇಳಿದರೆ, "ನನಗೆ ಇಲ್ಲವೆ ನನ್ನಂತವರಿಗೆ ಗೊತ್ತಿರಬೇಕೆಂದಿಲ್ಲ" ಏಕೆಂದರೆ ನಾನು ಕನ್ನಡದ ಬರಹಗಾರನಲ್ಲ, ನಾನು ಬರಿ ಓದುವವನು.