ಗೆಳೆಯರೆ,

ಸಾರ್ವಜನಿಕವಾಗಿ ನಗ್ನವಾಗಿ ಮೀಯಬೇಡಿರೆಂದು ತೋರಲಲ್ಲವೇ ಗೋಪಿಕಾಸ್ತ್ರೀಯರ ಬಟ್ಟೆಗಳನ್ನು ಕೃಷ್ಣ ಕದ್ದಿದ್ದು!
ಸಾರ್ವಜನಿಕವಾಗಿ ಮಹಿಳೆಯ ಬಟ್ಟೆ ಕಳಚಬೇಡಿರೆಂದಲ್ಲವೇ ಕೃಷ್ಣ ದ್ರೌಪದಿಗೆ ಅಕ್ಷಯವಸ್ತ್ರ ನೀಡಿದ್ದು!

ಇವೆರಡನ್ನೂ ಭಾರತ ಇನ್ನೂ ಮರೆತಿಲ್ಲವೆನಿಸುತ್ತಿದೆ(?); ಆದರೆ ಪಾಪ ವಿದೇಶೀಯರು ಮಹಾಭಾರತ ಓದಿಲ್ಲವಲ್ಲಾ! ಎಂದು ಕ್ಷಮಿಸಿಬಿಡೋಣವೇ?

ಬೆತ್ತಲೆ ರಾಜ್ಯದಲ್ಲಿ ಉಟ್ಟವನೇ ಹುಚ್ಚ! ಇದನ್ನೂ ಒಂದು 'ಧರ್ಮ', ಅಥವಾ 'ಸಂಸ್ಕೃತಿ'ಯೆನ್ನಲು ಸಾಧ್ಯವೇ? ಎಂದು ನಾನು ಆಗಾಗ್ಗೆ ವಿಚಾರ ಮಾಡುತ್ತಿರುತ್ತೇನೆ. ಬದಲಾಗುತ್ತಿರುವ ಜಗತ್ತಿನಲ್ಲಿ 'ಕಾಲಧರ್ಮ', 'ಯುಗಧರ್ಮ'ದ ಹೆಸರಿನಲ್ಲಿ ಇನ್ನೂ ಏನೇನು (ವಿ)ರೂಪ, (ವಿ)ಕೃತಿಗಳನ್ನು ನೋಡಬೇಕೋ ಏನೋ! ಮೊದಲೇ ದಾರಿತಪ್ಪುತ್ತಿರುವ ಮಕ್ಕಳಿಗೆ ಇಂಥ ದುರ್(ದೂರ)ದರ್ಶನಗಳ ಕಾರ್ಯಕ್ರಮ ಇನ್ನಷ್ಟು ಇಂಬು ಕೊಟ್ಟಂತಾಗಿ, ಸಮಾಜದಲ್ಲಿ 'ನೀತಿ' ಎಂಬುದೇ ಇಲ್ಲವಾಗುವ ದಿನ ಸಮೀಪಿಸುತ್ತಿದೆಯೇ ಎನಿಸುತ್ತಿದೆ!

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.