ನೀವು ಹಲವು ವಿಷಯಗಳನ್ನು ಒಮ್ಮೆಲೇ ಬರೆದಿದ್ದೀರಿ. ಅವುಗಳ ಮಧ್ಯೆ ಸ್ವತಃ ಸಂಬಂಧ ಕಲ್ಪಿಸಿಬಿಟ್ಟಿದ್ದೀರಿ.
ಅಂತರಜಾಲದಲ್ಲಿ ಅನಾಮಿಕರಾಗಿ ಬ್ಲಾಗ್ ಬರೆಯುವವರ ಬಗ್ಗೆ ಮಾತನಾಡುವಾಗ ಕುವೆಂಪು, ಮುದ್ದಣ, ಕುಮಾರವ್ಯಾಸ - ಇವರುಗಳ ಹೆಸರೇಕೆ ಮಧ್ಯ ಬಂದವು?

೧) ಅನಾಮಿಕ ಬ್ಲಾಗುಗಳು ಎಂದರೆ ಕಾವ್ಯನಾಮ (pen name) ಇಟ್ಟುಕೊಂಡು ಬರೆಯುತ್ತಿರುವವರ ಬ್ಲಾಗುಗಳಲ್ಲ, ಗುರುತು, ಪರಿಚಯವಿಲ್ಲದ ಲೇಖಕರು ಬರೆಯುತ್ತಿರುವ ಬ್ಲಾಗುಗಳು. ಇಂತಹ ಬ್ಲಾಗುಗಳಲ್ಲಿ ಬರೆಯುವಾಗ ಲೇಖಕರಿಗೆ ಜವಾಬ್ದಾರಿ ಕಡಿಮೆಯಿರುತ್ತಾದ್ದರಿಂದ ಸುಮ್ಮನೆ ಅಂತಹವರಿಗೆ ಸುಲಭದ ವೇದಿಕೆಯಾಗಬಾರದೆಂಬ ಉದ್ದೇಶದಿಂದ ಅನಾಮಿಕ ಬ್ಲಾಗುಗಳನ್ನು ದೂರವಿಡಲಾಗಿದೆ.

೨) ಇನ್ನು ಇತ್ತ ನಿಮ್ಮ ವಿಷಯಕ್ಕೆ ಬಂದರೆ, "ಮನದ ಮಾತು" ಹಾಗು "ಮನದಾಳದ ಮಾತು" ಎಂಬ ಎರಡು ಬ್ಲಾಗುಗಳಿವೆ. ಅವೆರಡರ ಮದ್ಯೆ (ಹಾಗು ಹೀಗೆಯೇ ಹೆಸರು ಕೊಂಚ ಒಂದೇ ರೀತಿ ಇರುವ ಬ್ಲಾಗುಗಳಿಗೆ) ಸುಲಭವಾಗಿ ಪ್ರತ್ಯೇಕಿಸಲು ಸಾಧ್ಯವಾಗುವಂತೆ ಹೆಸರು ಸೇರಿಸಲಾಗಿದೆ. ತಮ್ಮ ಭಾವಚಿತ್ರ ನೀಡಿದ ಲೇಖಕರಿಗೆ ಹೆಸರಿನ ಬದಲು ಫೋಟೋ ಸೇರಿಸಲಾಗಿದೆ.

೩) ಪ್ಲಾನೆಟ್ ಕನ್ನಡ ಬರಿಯ ಕನ್ನಡ ಬ್ಲಾಗುಗಳಿಗೆ ಮೀಸಲಾಗಿಲ್ಲ, ಅದು "ಕನ್ನಡಿಗರು ಬರೆಯುವ" ಬ್ಲಾಗುಗಳಿಗೆ ಮೀಸಲಾಗಿ ಪ್ರಾರಂಭಿಸಿದ್ದು (ಪ್ಲಾನೆಟ್ ಕನ್ನಡದ ಸೈಡ್ ಬಾರ್ ನಲ್ಲಿ ಬರೆದಿರುವ ವಿವರ ಮತ್ತೊಮ್ಮೆ ಓದಿ). ಎಲ್ಲರೂ ಕನ್ನಡದಲ್ಲೇ ಪ್ರತಿ ಬ್ಲಾಗು ಬರೆಯುವುದಿಲ್ಲವೆಂಬುದನ್ನು ನೆನಪಿಡಿ - ಬ್ಲಾಗುಗಳಿಂದ ಬರಿಯ ಕನ್ನಡ ಲೇಖನಗಳನ್ನು ಹೆಕ್ಕಿ ತೆಗೆಯುವುದು ತಾಂತ್ರಿಕ ಸಮಸ್ಯೆಯಾಗಿಬಿಡುತ್ತದೆ.

ಒಟ್ಟಿನಲ್ಲಿ ನೀವು ಬರೆದಿರುವ ಹೆಚ್ಚಿನ ಅಂಶ ನೀವು ಮತ್ತೊಮ್ಮೆ ಕೂಲಂಕುಶವಾಗಿ ಕುಳಿತು ಅವಲೋಕಿಸಲು ಉಚಿತವಾದುದು. ಬಹಳಷ್ಟು ಸಂಬಂಧ ಪಡದೇ ಇರುವ ವಿಷಯಗಳು ಸ್ವಲ್ಪ ಒತ್ತಿ ಬರೆದ ಅತಿರೇಕದ ಮಾತಿನ ಹಾಗಿದೆ.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"