ನಿಮ್ಮ ನಿಲುವು ಆಧುನಿಕೋತ್ತರ ಚಿಂತನೆಯ ಪ್ರಕಾರ ಸಮರ್ಥನೀಯ. ಆದರೆ ಬರವಣಿಗೆಯ ಸಂಕೇತ ವ್ಯವಸ್ಥೆ ಆಡುಮಾತಿನ ಸಮಗ್ರತೆಯನ್ನು ಹಿಡಿಯಲಾರದು. ಮತ್ತೆ ಬರವಣಿಗೆಯ ಕೌಶಲವನ್ನು ಹೆಚ್ಚು ಪ್ರಯತ್ನಪೂರ್ವಕವಾಗಿಯೇ ಬೆಳೆಸಿಕೊಳ್ಳಬೇಕು. ಬರವಣಿಗೆ ದ್ವಿತೀಯ ಹಂತದ ಸಂಕೇತವ್ಯವಸ್ಥೆ. ಅಷ್ಟೆಲ್ಲ ತಾಂತ್ರಿಕವಾಗಿ ಹೇಳುವ ಬದಲಾಗಿ ಇಲ್ಲಿ ಹೆಚ್ಚು ಜನಕ್ಕೆ ಅರ್ಥವಾಗುವ ಡಿಸ್ಕೋರ್ಸನ್ನು ಬಳಸಿದ್ದೇನೆ. ಗಮನವಿಟ್ಟು ನೋಡಿದರೆ ನಮ್ಮ ವ್ಯಾಕರಣಗಳೆಲ್ಲ ದ್ವಿತೀಯ ಹಂತದ ಸಂಕೇತಗಳನ್ನು ಆಧಾರವಾಗಿಟ್ಟುಕೊಂಡೇ ಹುಟ್ಟಿವೆ ಎಂದು ತಿಳಿಯುತ್ತದೆ. ಸಂಜ್ಞೆ ಸೂಚಕ ಇತ್ಯಾದಿ ತಾಂತ್ರಿಕ ಚರ್ಚೆ ನೀವು ಸಿಕ್ಕಾಗ ಮಾಡೋಣ.
ಆಡುಮಾತಿನ ಮೇಲೆ ಅಪನಂಬಿಕೆ ಹುಟ್ಟಿದಾಗ ಬರವಣಿಗೆಗೆ ಪ್ರಾಮುಖ್ಯ ಬಂತೋ? ಆಡು ಮಾತು ಅಕ್ಷರಗಳಷ್ಟು ಸುಸ್ಥಿರವಲ್ಲದ್ದರಿಂದ ಬರವಣಿಗೆ, ಇತರ ಎಲ್ಲ ಮನುಷ್ಯ ನಿರ್ಮಿತ ವ್ಯವಸ್ಥೆಗಳಂತೆಯೇ, ಸ್ಥಿರತೆಯ ಭಾವನೆಯನ್ನು ಹುಟ್ಟಿಸಿತೋ? ಕೃತಕ-ನಿರ್ಮಿತವಾದದ್ದು ಅನ್ನುವ ಅರ್ಥದಲ್ಲಿ ಬರವಣಿಗೆ ಮಾತಿಗಿಂತ ಹೆಚ್ಚು ಕೃತಕ.