ಪ್ರಿಯ ಬೆನಕ ಮತ್ತು ಮಿಶ್ರಿಕೋಟಿಯವರೇ  ಕಾಲ್ಡ್ ವೆಲ್ ಹೇಳಿರುವುದರಲ್ಲಿ ಅವೈಜ್ಞಾನಿಕವಾದುದು, ಇಲ್ಲವೇ ತಪ್ಪಾಗಿರುವುದು ಏನಾದರೂ ಇದ್ದರೆ ಅದರ ಬಗ್ಗೆ ಚರ್ಚಿಸುವುದು ಉತ್ತಮ ಎನಿಸುತ್ತದೆ. ಇನ್ನು ಕಾಲ್ಡ್ ವೆಲ್ ನ ತುಲನಾತ್ಮಕ ವ್ಯಾಕರಣ ಅವನ ಕಾಲಕ್ಕೆ ಬಹಳ ದೊಡ್ಡ ಕೆಲಸವೇ ಸರಿ. ಈಗ ನಮ್ಮಲ್ಲಿ ಮತ್ತಷ್ಟು ಮಾಹಿತಿ ಇದೆ. ಇದನ್ನಿಟ್ಟುಕೊಂಡು ಅವನು ಆರಂಭಿಸಿದ ಚರ್ಚೆಯನ್ನು ಮುಂದುವರಿಸಬಹುದು. 

ಇನ್ನು ಒಂದು ಭಾಷೆಯೊಳಗೆ ಮತ್ತೊಂದು ಭಾಷೆ ಇರುವುದು ಅತ್ಯಂತ ಸಹಜ ಮತ್ತು ಸಾಮಾನ್ಯ ಸಂಗತಿ. ಇದೊಂದು ಕೀಳರಿಮೆಯ ವಿಷಯವಾಗಬೇಕಿಲ್ಲ. ಹಾಗೊಂದು ಕೀಳರಿಮೆ ಕಾಡಿದ್ದೇ ಆದರೆ ಇಂಗ್ಲಿಷ್ ಇಷ್ಟು ದೊಡ್ಡ ಭಾಷೆಯಾಗಿ ಬೆಳೆಯುತ್ತಿರಲೂ ಇಲ್ಲ. ದ್ರಾವಿಡ ಎನ್ನುವುದನ್ನು ಸಂಸ್ಕೃತಕ್ಕೆ ವಿರುದ್ಧವಾದ ಅರ್ಥದಲ್ಲಿ ಗ್ರಹಿಸುವುದೇಕೆ ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಇವೆಲ್ಲಾ ಅಧ್ಯಯನದ ಅನುಕೂಲಕ್ಕೆ ಬೇಕಾಗಿ ಮಾಡಿಕೊಂಡ ಪಾರಿಭಾಷಿಕಗಳಲ್ಲವೇ?