ಹರಟೆ ಹೊಡೆಯುವದರಲ್ಲಿರುವ ಮಜಾ ಇನ್ನಾವುದರಲ್ಲೂ ಇಲ್ಲ ಬಿಡಿ. ಅದರಲ್ಲೂ ಮಲಗಿದ್ದಲ್ಲೇ ಯಾವುದಾದರೊಂದು ಎಳೆ ಹಿಡಿದುಕೊಂಡು ಅದು ಇದು ಅಂತ ಜಗತ್ತಿನ ಎಲ್ಲಾನೂ ನಮ್ಮ ಬಾಯಿಗೆ ಎಳೆತಂದು ಹೇಳೋದಿದೆಯಲ್ಲಾ, ಅದೇ ಸಕ್ಕತ್, ಅಗದಿ ಮನಗಂಡ. ಈ ಹರಟೆಗಳಲ್ಲಿ, ಬರವಣಿಗೆಯಲ್ಲಿ ಹೊಲಸು ಅನಿಸಿಕೊಳ್ಳುವ ಪದಗಳೂ 'ಬಾರೋ' 'ಹೋಗೊ' ಅವುಗಳಟ್ಟೇ ಕಾಮನ್.

ಕೆಲವು ಸಲ ಗೆಳೆಯರ ಗೊಂಪೊಂದರಲ್ಲಿ ವಾದಗಳು ನಡೆದಿರುತ್ತವೆ, ಇನ್ನೇನು ಒಬ್ಬರನ್ನೊಬ್ಬರು ಹೊಡೆದೇ ಬಿಡುತ್ತಾರೆ ಎನ್ನುವ ಮಟ್ಟಕ್ಕೆ ಮುಟ್ಟಿದವರು, ವಾದ ಮುಗಿದು, ಎಲ್ಲರೂ ಹೊಟೇಲೊಂದಕ್ಕೆ ಹೋಗಿ ಟೀ,ಕಾಪಿ ಮುಗಿಸಿ ಮರಳುವಾಗ ಒಬ್ಬರ ಹೆಗಲ ಮೇಲೆ ಇನ್ನೊಬ್ಬರ ಕೈಯಿರುತ್ತದೆ, ಆಗ ಇಬ್ಬರ ಕಟ್ಟಾ-ಸುಕಾ ಹಂಚಿಕೆ ನಡೆದಿರುತ್ತದೆ. ಕಾಲೇಜು/ಬೆಚುಲರ್ ಜೀವನದಲ್ಲಿ ಇವು ಬಹಳ ಮಜಾ ಕೊಡುತ್ತವೆ.