ಇಂಗಲೀಸಿನಲ್ಲಿ know ಎಂಬುದನ್ನು ಹೇಳುವಾಗ k ಸುಮ್ಮನಾಗುತ್ತದೆ. ಹಾಗೆಯೇ 'ಬನ್ನಿರಿ' ಎಂಬದನ್ನು ಹೇಳುವಾಗ 'ಬನ್‍ರಿ' ಆಗುತ್ತದೆ. ಹಾಗೆಯೇ 'ಅಸ್‍ಟು', 'ಇಸ್‍ಟು' ಮುಂತಾದವು. ತೆಗೆದುಕೊಳ್ಳಿರಿ-ತಕ್ಕೊಳ್‍ರಿ ಕುಳಿತುಕೊಳ್ಳಿ-ಕೂತಕೊಳ್‍ರಿ. 

ತುಸುವೇ ತುಸು ಗಮನವಿಟ್ಟು ನೋಡಿದಾಗ ಕನ್ನಡದಲ್ಲಿ ಹೆಚ್ಚಿನ ಹೊರಗಿನ ಪದಗಳು ಒತ್ತಕ್ಕರದ ನಿಯಮವನ್ನು ಪಾಲಿಸಲಾರವು.

ಹೀಗಿದ್ದರೂ ನಾನೇನು ಕನ್ನಡ ಪತ್ತಿಗೆ, ಹೊತ್ತಿಗೆಗಳನ್ನು ಓದುವದನ್ನು ಬಿಟ್ಟಿಲ್ಲ. ಆದರೆ ಕನ್ನಡದಲ್ಲಿ ಬರೆಯುವಾಗ ಎರಡೇ ಎರಡು ಸರಳ ನಿಯಮಗಳ ಪಾಲನೆ ಮಾಡುತ್ತೇನೆ. ೧)ಸಮ್ಮುಕ್ಕರದಲ್ಲಿ ಬರೆಯದಿರುವುದು. ೨)ನಾಮಪದಕ್ಕೆ ಇಸು ಸೇರಿಸದಿರುವುದು.

ಸಮ್ಮುಕ್ಕರ ಎಂಬ ಪದ ನಾನೇ ಹುಟ್ಟಿಸಿದ ಪದವೋ ಇಲ್ಲವೇ ಮೊದಲೇ ಇರುವುದೋ ನನಗೆ ಗೊತ್ತಿಲ್ಲ. ಹಾಗೆಂದರೆ ಏನು ಎಂಬುದು ಓದುವವರಿಗೆ ತಿಳಿಯುತ್ತಿದೆ ಮತ್ತು ಕಟ್ಟಳೆಗಣುಗುನವಾಗಿ ಬರೆಯುತ್ತಿದ್ದೇನೆಂಬ ಸಂತಸ ನನಗಿದೆ.

ಸುನೀಲರೇ ನಿಮ್ಮ ಈ ಮೇಲಿನ ಮಾತಿನಲ್ಲಿ ಸಮ್ಮುಕ್ಕರಗಳು ಮತ್ತು ಅವನ್ನು ಹೇಗೆ ಬರೆಯಬಹುದು ಎಂಬುದನ್ನು ಪಟ್ಟಿ ಮಾಡಿದ್ದೇನೆ, ಇದು ಆಡಿಕೊಳ್ಳಲಲ್ಲ.

ನನ್ನ ಪ್ರಕಾರ-ನನಗೆ ತೋರುವಂತೆ,ನನ್ನ ಅನಿಸಿಕೆಯಂತೆ

ಚರ್ಚೆ-ಮಾತುಕತೆ

ಪ್ರಾರಂಭಿಸಿದ್ದು-ಮೊದಲು ಮಾಡಿದ್ದು, ಸುರು ಮಾಡಿದ್ದು,ಮೊದಲಾಗಿಸಿದ್ದು

ಅದಾಗ್ಯೂ- ಅದಾಗಿಯೂ

ಒಯ್ದರೂ- ಒಯ್ಯಿದರೂ (ಒಯ್ಯಿ ಅಂದರೆ ತೆಗೆದುಕೊಂಡು ಹೋಗು, ಕೊಳ್ಳು-ಕೊಂಡರೂ, ಊಳು-ಉತ್ತರೂ, ತಿನ್ನು-ತಿಂದರೂ, ಇವುಗಳಾಂತೆಯೇ ಒಯ್ಯಿ-ಒಯ್ಯಿದರೂ,ಬಯ್ಯಿ-ಬಯ್ಯಿದರೂ, ಕೊಯ್ಯಿ-ಕೊಯ್ಯಿದರೂ)

ಸ್ವಂತ-ಸೊಂತ

ಆರೋಗ್ಯ-ಆರೋಗ್ಗೆ

ಸಂಯುಕ್ತಾಕ್ಷರ-ಸಮ್ಮುಕಕ್ಕರ

ಶತಮಾನಗಳಷ್ಟು-ಸತಮಾನಗಳಾಸು

ದಯಾದಾಕ್ಷಿಣ್ಯ-ದಯಾದಕ್ಕಿಣೆ

ಮಾತಿಷ್ಟೇ-ಮಾತೀಟೇ, ಮಾತಿಟ್ಟೇ

ಸೂತ್ರ-ಸೂತರ(ಕಟ್ಟಳೆ, ನಿಯಮ)

ಅಭಿಪ್ರಾಯ-ಅಬಿಪರಾಯ(ಅನಿಸಿಕೆ)

ಇದೇ ನನ್ನ ಅನಿಸಿಕೆ. ನಿಮ್ಮ ಅನಿಸಿಕೆ ಏನು?