ಸಂಗನಗೌಡರೆ ನಿಮ್ಮ ವಿಚಾರಗಳೇ ತಿಳಿಯಾಗುತ್ತಿಲ್ಲ. ಬರವಣಿಗೆಯಲ್ಲಿನ ಬನ್ನಿರಿ ಪದ ಆಡು ಮಾತಿನ ಬನ್ರಿ ಆಗಿರಬಹುದು. ಆದರೆ "ಅಷ್ ಟು" ಪದ ಅಷ್ಟು ಆಗಿಲ್ಲ. ಏಕೆಂದರೆ ಅಷ್ಟು ಬರೀ ಆಡುಮಾತಿನಲ್ಲಿ ಬಳಸಲ್ಪಡುವ ಪದವಲ್ಲ ಬದಲಾಗಿ ಈಗಾಗಲೇ ಕನ್ನಡ ಸಾಹಿತ್ಯದಲ್ಲಿ ಸಂಸ್ಕತದ ಹೊರತಾಗಿಯೂ ಬಳಸಲ್ಪಟ್ಟಿದೆ. ಶ್ರೀಕಾಂತ ಮಿಶ್ರಕೋಟಿಗಳು ಮತ್ತು ಬೆನಕರವರು ತೋರಿಸಿರುವ ಮೇಲಿನ ಉದಾಹರಣೆಗಳನ್ನು ನೋಡಿರಿ. ಆದರೂ ನೀವು ಕನ್ನಡದಲ್ಲಿ ಸಂಯುಕ್ತಾಕ್ಷರಗಳನ್ನು ಒಪ್ಪಿಕೊಳ್ಳುವ ಜತುನ ಮಾಡುತ್ತಿಲ್ಲ. ಏಕೆ?.

ನನಗೆನಿಸುವ ಹಾಗೆ, ನೀವು "ಆಟೆ" ಪದವೇ ಸರಿ, "ಅಷ್ಟೇ" ಪದ ತಪ್ಪು ಎಂಬ ಧೋರಣೆ ಹೊಂದಿರುವಂತಿದೆ. "ಆಟೆ" ಆಡು ಮಾತಿನಲ್ಲಿ ರೂಢಿಯಲ್ಲಿರುವ ಪದ. ಅದನ್ನು ಯಾವ ಲೇಖನದಲ್ಲಿಯೂ ಬಳಸಲು ಬರುವುದಿಲ್ಲ.

ಅಂದಹಾಗೆ ಕನ್ನಡಕ್ಕೆ, ಈ ಒತ್ತಕ್ಷರದ ಕಟ್ಟಳೆಯನ್ನು ಎಲ್ಲಿ ದಾಖಲಿಸಿದ್ದಾರೆ ಎಂಬುದನ್ನು ದಯವಿಟ್ಟು ವಿವರಿಸಿ. ಈ ಚರ್ಚೆಯಲ್ಲಿ ಸಂಯುಕ್ತಾಕ್ಷರಗಳ ಕಡೆಗೆ ಮಾತ್ರವೇ ಹೆಚ್ಚಿನ ಗಮನ ನೀಡೋಣ.

ನನ್ನ ಮಟ್ಟಿಗಂತೂ, ಕನ್ನಡಕ್ಕೆ ಇಂತಹ ಕಟ್ಟಳೆಯನ್ನೇನಾದರೂ ಭಾಷಾ ಶಾಸ್ತ್ರಜ್ಞರು ವಿಧಿಸಿದ್ದರೆ, ಅವರ ಕಟ್ಟಳೆಯನ್ನು ಮೀರಿ ನಮ್ಮ ಭಾಷೆ ಮುನ್ನಡೆದಿದೆ.