ಸುನಿಲರೇ,
ತುಂಬ ಸರಿಯಾಗಿ ಬರೆದಿದ್ದೀರಿ. ಜೊತೆಗೆ ಮತ್ತೊಂದಿಷ್ಟು ಉದಾಹರಣೆಗಳಿಲ್ಲಿವೆ:

ಹಳಗನ್ನಡ:
ಮೆಲ್ವಾತು, ನಲ್ಮೆ, ಪೊಳ್ತು, ಬೆಳ್ದಿಂಗಳು, ಪೆರ್ಮೆ, ಬೆಳ್ಮುಗಿಲು, ಆಯ್ತು, ಅಲ್ತೆ ಇತ್ಯಾದಿ. ಉದಾ:

"ಋಷಿವರ್ಯ, ತಪದಲ್ಲಿ ಕುಳ್ಳಿರಿದು ನೀವೆನಿತು ಪೊಳ್ತಾಯ್ತು?" "ಯುಗವೆರಡು ಕಳೆದಾಯ್ತು"

"ಕನ್ನಡಂ ಕತ್ತುರಿಯಲ್ತೆ!"

ನಡುಗನ್ನಡ:
ಕೇಳ್ವ, ಪೇಳ್ವುದು, ಕೇಳ್ದರಿಗೆ, ಬೀಳ್ಕೊಡು, ಸೀಳ್ಗರೆ, ಹೊಯ್ಲು, ನಿಡುಸುಯ್ದು ಇತ್ಯಾದಿ. ಉದಾ:

ಗಿಳಿಯ ಮರಿಯನು ತಂದು ಪಂಜರ
ದೊಳಗೆ ಪೋಷಿಸಿ, ಕಲಿಸಿ ಮೃದುನುಡಿಗಳನು
ಲಾಲಿಸಿ ಕೇಳ್ವ ಪರಿಣತರಂತೆ ನೀನೆನಗೆ |(ಕನಕದಾಸರು)

"...ಬಳಿಕ ಪೇಳ್ವುದು ಜಯವ"
"..ಬಾಯ ಬಸಿರಿನ ನೊಸಲ ಹೊಯ್ಲಿನ"
"....ಮಾಳ್ಪುದು ಮತಿಗೆ ಮಂಗಳವ"
"..ಸೂಳು ಬಂಟರು ಹೊಯ್ದರೊಳಗೊಳಗೆ"
"..ಭಾರತದೊಳೊಂದಕ್ಷರವ ಕೇಳ್ದರಿಗೆ" (ಕುಮಾರವ್ಯಾಸ)

ಹೊಸಗನ್ನಡದ ದೈನಂದಿನ ಪದಗಳಾದ : ಇಡ್ಲಿ, ಕುಡ್ಲು, ಒಯ್ದು, ಕುಯ್ದು, ಕಣ್ಮಣಿ ಇತ್ಯಾದಿ.

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.