ಓರ್ವ ಅಪರಾಧಿಗೆ ಅದರಲ್ಲೂ ಅಫ್ಜಲ್‌ನಂಥ ಕುಖ್ಯಾತ ಕ್ರಿಮಿನಲ್‌ಗೆ ಶಿಕ್ಷೆ ವಿಧಿಸುವಾಗ ಆತನ ರಾಜಕೀಯ ಹಿನ್ನೆಲೆ, ಪ್ರಾದೇಶಿಕ ಪ್ರಭಾವ, ಓಟುಬ್ಯಾಂಕ್ ಲೆಕ್ಕಾಚಾರ, ಕೌಟುಂಬಿಕ ಪರಿಸ್ಥಿತಿಯನ್ನು ಗಣನೆಗೆ ತೆಗೆದುಕೊಂಡರೆ ಅದು ನ್ಯಾಯಾಂಗಕ್ಕೇ ಮಾಡುವ ಅಪಚಾರವಾದೀತುೋ. ಅಫ್ಜಲ್ ಮಾಡಿದ್ದು ಚಿಕ್ಕ ಅಪರಾಧವೇನಲ್ಲ. ಸಂಸತ್ತಿನ ಮೇಲೆ ದಾಳಿ ನಡೆದಾಗ ನಮ್ಮ ಭದ್ರತಾ ಪಡೆಯ ಯೋಧರು ಸ್ವಲ್ಪವೇ ಅಜಾಗರೂಕತೆ ತೋರಿದ್ದರೂ ಇಂದು ಅಫ್ಜಲ್ ಪರವಾಗಿ ವಕಾಲತ್ತು ವಹಿಸುವ ರಾಜಕಾರಣಿಗಳು ಈ ಭೂಮಿಯ ಮೇಲಿರುತ್ತಿರಲಿಲ್ಲ. ತಮ್ಮ ಜೀವವನ್ನೇ ಬಲಿಗೊಟ್ಟು, ಅತ್ಯಂತ ಸಮರ್ಥವಾಗಿ ಸಂಸತ್ ಮೇಲಿನ ದಾಳಿಯನ್ನು ಅವರು ತಡೆಗಟ್ಟಿದ್ದಾರೆ. ಇಲ್ಲದಿದ್ದರೆ ಈ ಜಗತ್ತಿನ ಪ್ರಜಾಪ್ರಭುತ್ವದಲ್ಲೇ ಕಂಡು, ಕೇಳರಿಯದಷ್ಟು ರಕ್ತಪಾತವಾಗುತ್ತಿತ್ತು.

ಸಂಸತ್ ದಾಳಿಯ ದಿನವನ್ನು ಒಂದು ಕ್ಷಣ ನೆನೆಪಿಸಿಕೊಳ್ಳಿ. ನಂತರ ನೀವೇ ಹೇಳಿ- ಆ ಪಾತಕಿಗೆ ಸುಪ್ರೀಂಕೋರ್ಟ್ ನೀಡಿರುವ ಶಿಕ್ಷೆ ಸೂಕ್ತವೇ ಅಲ್ಲವೇ ಎಂದು.