ನಾನಳಿದ ಮೇಲೆನ್ನ ಮರೆಯುವೆಯ ನೀನು?
ನಿನ್ನ ಹ್ರುದಯವು ಪರರ ವಶವಾಗದೇನು?

ಮರೆತು ಬಿಡು, ಮರೆತು ಬಿಡು,
ನೀ ಮರೆತೊಡೇನು?
ನಾ ಮರೆಯೆ, ನಾ ಮರೆಯೆ,
ನಾ ನಿನ್ನ ಮರೆಯೆ.

ಮರೆಯುವೆಯ ನಾತೋರಿದ ಒಲವಿನ ಪಿಂಪ?
ಮರೆಯುವೆಯ ನಾನಿತ್ತ ಚುಂಬನಗಳಿಂಪ?

ಮರೆತು ಬಿಡು, ಮರೆತು ಬಿಡು,
ನೀ ಮರೆತೊಡೇನು?
ನಾ ಮರೆಯೆ, ನಾ ಮರೆಯೆ,
ನಾ ನಿನ್ನ ಮರೆಯೆ.

ಸೆರೆಗೊಳ್ಳುವದು ನಿನ್ನ ಬೇರೊಂದು ಹ್ರುದಯ,
ಇನಿಯ ನಿನಗಾಗುವದು ಹೊಸಹರುಷದುದಯ,

ಆಗೆನ್ನ ನೆನೆಯದಿರು,
ಮರೆತುಬಿಡು ನೀನು,
ನಾ ಮರೆಯೆ ನಾ ಮರೆಯೆ,
ನಾ ನಿನ್ನ ಮರೆಯೆ.

ಕೋಗಿಲೆಯ ಕೂಗೆನ್ನ ನೆನಪ ತರಬಹುದು,
ಬೀಸುತಿಹ ಕಂಬೆಲರು ನೆನಪ ತರಬಹುದು,

ಹೊಸಬಳನು ನೋಡೆನ್ನ,
ಮರೆತು ಬಿಡು ನೀನು,
ನಾ ಮರೆಯೆ ನಾ ಮರೆಯೆ,
ನಾ ನಿನ್ನ ಮರೆಯೆ.

ನಾನಳಿದ ಮೇಲೆನ್ನ ಮರೆಯುವೆಯ ನೀನು?
ನಿನ್ನ ಹ್ರುದಯವು ಪರರ ವಶವಾಗದೇನು?

ಮರೆತು ಬಿಡು, ಮರೆತು ಬಿಡು,
ನೀ ಮರೆತೊಡೇನು?
ನಾ ಮರೆಯೆ, ನಾ ಮರೆಯೆ,
ನಾ ನಿನ್ನ ಮರೆಯೆ.