ಇವೆಲ್ಲಾ ಹುಚ್ಚುತನದ, ದೂರನೋಟಗಳಿಲ್ಲದ ಮಾತು, ಇಂದು ಸಕ್ಕದ ಒರೆಗಳನ್ನು ಮೈತುಂಬ ತುಂಬಿಕೊಂಡೂ ಕನ್ನಡ ಬದುಕಿದೆ, ಹಾಗೆಯೇ ಇಂಗಲೀಸನ್ನು ತುಂಬಿಕೊಂಡೂ ಬದುಕಲಿದೆ. ಒಂದು ನುಡಿ ಬದುಕುವದು ಅಲುಗದ ತನ್ನೊಲುಮಿಗರಿಂದ. ಎಲ್ಲವೂ ನಮ್ಮ ನೋಟದ ಮೇಲೆ ನಿಂತಿದೆ. ಅರ್ಧ ತುಂಬಿದ ಲೋಟವನ್ನು 'ಅಯ್ಯೋ ಇನ್ನೂ ಅರ್ಧ ಹಾಗೇ ಇದೆಯಲ್ಲಾ !' ಅಂತಲೂ ನೋಡಬಹುದು. 'ಸದ್ಯ, ಅರ್ಧ ತುಂಬಿದೆಯಲ್ಲಾ' ಅಂತಲೂ ನೋಡಬಹುದು. ಕನ್ನಡದಲ್ಲಿ ಇಂಗಲೀಸನ್ನು ಅತಿಯಾಗಿ ಬಳಸುವದು ಕನ್ನಡದ ಸೋಲಲ್ಲ, ಕನ್ನಡಿಗರ ಸೋಲು.