ಸುನೀಲ್‍ರವರೇ,

ನಿಮ್ಮ ವಿವರಣಾತ್ಮಕ ಉತ್ತರಕ್ಕೆ ಧನ್ಯವಾದಗಳು.

ಇದೊಂದು ರೀತಿ ಆಸಕ್ತಿದಾಯಕವಾಗಿದೆ! "ಕೇದಗೆ" ಬಳಸಿ ಇವನ್ನು ಟೈಪಿಸಲು ಸಾಧ್ಯವಾಗಬಹುದು ನಿಜ. ಆದರೆ "Bank"ನ್ನು "ಬ್ಯಾಂಕ್" ಅಂತ ಬರೆಯದೇ "ಬ<ಏತ್ವ ಇಲ್ಲದ ಏತ್ವಂದೀರ್ಘ>ಂಕ್" ಅಂತ ಬರೆದರೆ ಓದುವಾಗ ಕಷ್ಟವಾಗುತ್ತದೆ (ಕಷ್ಟಕ್ಕಿಂತ ಹೆಚ್ಚು ಗೊಂದಲ ಅನ್ನಬಹುದು) ಅಲ್ಲವೇ? ನನಗೆ ಹಾಗಂತ ಅನ್ನಿಸಿತು. ನೀವೇನಂತೀರಾ?

ನೀವೇ ನೋಡಿ, ಸಂಸ್ಕೃತದಿಂದ "ಋ, ೠ, ಲೃ, ಲೄ"ಗಳನ್ನು ಬರಮಾಡಿಕೊಂಡರೂ "ಲೃ, ಲೄ"ಗಳು ಬಳಕೆಯ ಕಾಠಿಣ್ಯದಿಂದಾಗಿ ಕ್ರಮೇಣ ಕನ್ನಡ ವರ್ಣಮಾಲೆಯಲ್ಲಿ ಸ್ಥಾನ ಪಡೆಯಲೇ ಇಲ್ಲ ಅಲ್ಲವಾ? ಇನ್ನು "ೠ"ವನ್ನು ಅಧಿಕೃತವಾಗಿ ವರ್ಣಮಾಲೆಯಲ್ಲಿ ಉಳಿಸಿಕೊಂಡರೂ ಅದರ ಬಳಕೆ ಬಹಳವೇ ಅಪರೂಪ. ಪ್ರಾಯಶಃ ಬಳಕೆಯೇ ಇವುಗಳ (ಈ ರೀತಿಯ ವಿಶೇಷ ಅಕ್ಷರಗಳ) ಅಸ್ತಿತ್ವವನ್ನು ನಿರ್ಧರಿಸುತ್ತೋ ಏನೋ?

- ಶ್ಯಾಮ್ ಕಿಶೋರ್