ನನಗೆ ತಿಳಿದಂತೆ ಇದರ ಅರ್ಥ:

ಬರಿಗಾಲಲ್ಲಿ ನಡೆಯುದು ಆರೋಗ್ಯದ ದೃಷ್ಟಿಯಿಂದ ಹೇಗೆ ಒಳ್ಳೆಯದಲ್ಲವೋ ಹಾಗೆಯೇ ದಾರಿದ್ರ್ಯದ ಸಂಕೇತ ಕೂಡಾ.

ಹತ್ತು ಬಾರಿ ಓದುವುದಕ್ಕಿಂತ ಒಮ್ಮೆ ಬರೆದರೆ ಸಾಕು ಅದು ಮನಸ್ಸಿನಲ್ಲಿ ಗಟ್ಟಿಯಾಗಿ ಊರುತ್ತದೆ. ಹಾಗೆ ಮಾಡದೇ ಬರಿದೆ ಓದುವುದು (ವಿದ್ಯಾರ್ಥಿಗಳನ್ನು ದೃಷ್ಟಿಯಲ್ಲಿಟ್ಟುಕೊಂಡು) ವ್ಯರ್ಥ.

ಕರೆಯದೇ ಬರುವವನ ಬಗ್ಗೆ ಹಲವು ಜಿಜ್ಞಾಸೆಗಳಿವೆ ಅಂತ ಓದಿದ ನೆನಪು. ಇದು ನೇರವಾಗಿ ಅಭ್ಯಾಗತರನ್ನು ಕುರಿತು ಹೇಳಿದ್ದಲ್ಲ. ಕರೆಯದೇ ಮಧ್ಯೆ ಮೂಗು ತೂರಿಸುವವನು ಎಂದೂ ಅರ್ಥೈಸಬಹುದು.

ಇಂಥವರನ್ನು (ಮೇಲಿನ ಮೂರೂ ಗುಂಪಿನ ಜನರನ್ನು) "ಕರೆದು ಕೆರದಲ್ಲಿ ಹೊಡೆ" ಎಂದರೆ ಅಕ್ಷರಶಃ ಕೆರದಲ್ಲಿ ಹೊಡೆಯುವುದು ಅನ್ನುವುದಕ್ಕಿಂತ ಅವಮಾನಿಸು ಎಂಬರ್ಥದಲ್ಲಿ ತೆಗೆದುಕೊಳ್ಳಬಹುದು.

- ಶ್ಯಾಮ್ ಕಿಶೋರ್