ನಾನು ಯಾಮಿನಿಯವರ ಅಭಿಪ್ರಾಯವನ್ನು ಒಪ್ಪುತ್ತೇನೆ. ಇನ್ನು ಸ್ವಾಮೀಜಿಗಳಿಗೆ ಕಳಕಳಿ ಇದೆ, ರಾಜಕಾರಣಿಗಳಿಗೆ ಇಲ್ಲ ಎಂದಾದರೆ ಈ ದೇಶದಲ್ಲಿ ಪ್ರಜಾಪ್ರಭುತ್ವ ಸ್ಥಾಪನೆಯಾಗುವ ಬದಲಿಗೆ ವ್ಯಾಟಿಕನ್ ನಂತೆಯೋ, ಸೌದಿ ಅರೇಬಿಯಾದಂತೆಯೋ ಇಲ್ಲೊಂದು ಧಾರ್ಮಿಕ ಪ್ರಭುತ್ವ ಇರುತ್ತಿತ್ತು. ಪ್ರಜಾಸತ್ತಾತ್ಮಕ ಸರಕಾರ ಬರುವ ಮೊದಲು ಅಂದರ ಬ್ರಿಟಿಶ್ ರಾಜ್ ಗೂ ಮೊದಲು ಇದ್ದ ಧಾರ್ಮಿಕತೆಯನ್ನೇ ಆಧಾರವಾಗಿಟ್ಟುಕೊಂಡಿದ್ದ ಆಡಳಿತ ವ್ಯವಸ್ಥೆಗಳು ಪ್ರಜಾಪ್ರಭುತ್ವ ಒದಗಿಸಿರುವ ಯಾವ ಸವಲತ್ತನ್ನೂ ಒದಗಿಸಿರಲಿಲ್ಲ ಎಂಬ ಅಂಶವನ್ನು ಮರೆಯಲು ಸಾಧ್ಯವೇ?

ಯಾಮಿನಿಯವರು ಹೇಳಿದಂತೆ ಶಾಲೆಗಳನ್ನು ತೆರೆಯುವುದು ಸರಕಾರದ ಕೆಲಸ. ಅದನ್ನು ಸರಕಾರದ ಮಾಡದೇ ಇದ್ದರೆ ಆ ಸರಕಾರವನ್ನು ಆರಿಸಿರುವ ನಾವು ಕೇಳಬೇಕು. ಇದಿಷ್ಟು ಸಹಜವಾಗಿ ಆದಬೇಕಾದ ಬೆಳವಣಿಗೆ. ಇಲ್ಲಿ ಮಠ ತನ್ನ 'ಸೇವೆ'ಯ ಮೂಲಕ ಮಧ್ಯ ಪ್ರವೇಶ ಮಾಡಿದಾಗ ಸರಕಾರದ ತಪ್ಪನ್ನು ಪ್ರಶ್ನಿಸದೇ ಹೋಗಿಬಿಡುವ ಅಪಾಯವಿದೆಯೆಲ್ಲಾ. ಅದು ಪ್ರಜಾಪ್ರಭುತ್ವವನ್ನು ಒಳಗಿನಿಂದಲೇ ಶಿಥಿಲಗೊಳಿಸುತ್ತದೆ. ಅಂದರೆ ಪ್ರಜಾಸತ್ತೆಯಲ್ಲಿ ಪ್ರಜೆಯ ಪಾಲ್ಗೊಳ್ಳುವಿಕೆಯನ್ನು ಪರೋಕ್ಷವಾಗಿ ತಡೆಯುತ್ತದೆ.

ಇಸ್ಮಾಯಿಲ್ ನನ್ನ ಬ್ಲಾಗ್: http://ismail.sampada.net