ನನ್ನ್ನ ಅರ್ಥೈಸುವಿಕೆ ಹೀಗಿದೆ (ತಪ್ಪಿದ್ದರೆ ದಯವಿಟ್ಟು ತಿದ್ದಿ) :-

ಇಲ್ಲಿ 'ನಾನು' ಎಂಬುದು ಆ ವ್ಯಕ್ತಿಯ ಶ್ರದ್ದ್ಧೆ - ಭಕ್ತಿಗಳ ಪ್ರತೀಕ . ಆದ್ದರಿಂದ ವಚನಕಾರನು ತನ್ನ ಶ್ರದ್ದೆ, ಭಕ್ತಿಗಳು  ಬಾಹ್ಯವಾದ ದೇವರಿಗಿಂತ ಮೇಲು ಅಥವ ಮುಖ್ಯ ಎಂದು ಹೇಳುತ್ತಾನೆ. ಇದು ದೇವರ ವಿರುದ್ಧವಾದ ನಿಲುವಲ್ಲದಿದ್ದರೂ ದೈವ - ದೈವ ಭಕ್ತಿಯ ಬಗ್ಗೆ ಜಿಙ್ನಾಸೆ ಮೂಡಿಸುವಂತಹ ವಿಚಾರ. ಮನುಷ್ಯನು ತನ್ನ ಅನುಕೂಲಗಳಿಗೋಸ್ಕರ ಸೃಷ್ತಿಸಿಕೊಂಡ ದೇವರಿಗಿಂತ ಆ ಮನುಷ್ಯಪ್ರಯತ್ನವೇ ಮಿಗಿಲಾದುದು ಎಂದು ವಚನಕಾರನು ತಿಳಿದಿರಬಹುದು.

ಈ ನಿಲುವು ಬಹುಶಃ ಎಲ್ಲ ವಚನಕಾರರಲ್ಲಿ ಕಾಣಬಹುದು. ಉದಾ ಬಸವಣ್ಣನವರ ಈ ವಚನ

"ಎನಗಿಂತ ಕಿರಿಯರಿಲ್ಲ
ಶಿವಭಕ್ತರಿಗಿಂತ ಹಿರಿಯರಿಲ್ಲ ..."

ಇಲ್ಲೂ ಕೂಡ ಮೇಲೆ ತಿಳಿಸಿದ ವಿಚಾರವಿದ್ದರೊ ಅಷ್ಟು ನಿಷ್ಠುರವಾಗಿಲ್ಲ. ಇಲ್ಲಿ ಗಮನಿಸಬೇಕಾದ ಅಂಶ ಬಸವಣ್ಣನವರು "ಶಿವಭಕ್ತರಿಗಿಂತ ಹಿರಿಯರಿಲ್ಲ..." ಎಂದು ಏಕೆ ಹೇಳುತ್ತಾರೆ ಶಿವನಿಗಿಂತ(ದೇವರಿಗಿಂತ) ಹಿರಿಯರಿಲ್ಲ ಎಂದು ಏಕೆ ಹೇಳಲಿಲ್ಲ? ಎಂಬುದು. ಅವರು ದೈವಕ್ಕಿಂತ ದೈವಭಕ್ತಿಯೇ(ಭಕ್ತರೆ) ಹಿರಿದು, ಶುದ್ಧ ದೈವ ಭಕ್ತಿಯುಳ್ಳವನು ದೈವವನ್ನು ಮೀರಿಸಬಲ್ಲ ಎಂದು ನಂಬಿದ್ದರೆಂದು ಖಂಡಿತವಾಗಿ ಹೇಳಬಹುದು. ಈ ಮಾತನ್ನು ಬಹು ಮಟ್ಟಿನ ಆಸ್ತಿಕರು ಒಪ್ಪುತ್ತಾರೊ ತಿಳಿಯದು. ಭಕ್ತಿಯು ಮುಕ್ತಿಯ ಸಾಧನವೊಂದೆ ಅಲ್ಲ ಬದುಕನ್ನು ಹಸನು ಮಾಡುವ ಶಕ್ತಿ ಹೊಂದಿದೆ ಎಂದು ಈ ವಚನಕಾರರು ನಂಬಿರಬಹುದು.

-ಜೈ ಕರ್ನಾಟಕ