ಕೊಟ್ಟೆ ಸಿಕ್ಕಿತೇ ಅಥವಾ ಖೊಟ್ಟಿಯೇ. ಅಂದ ಹಾಗೆ ನಾವು ಎರಡು ದಿನಗಳಿಂದ ಸಿಕ್ಕಾಪಟ್ಟೆ ತಿನ್ನುತ್ತಿದ್ದೇವೆ. ನಮ್ಮ ಸಹೋದ್ಯೋಗಿ ನಾಳೆ ಹಿಂದಿರುಗಿ ಹೊರಡಲಿರುವುದರಿಂದ ಅವನಿಗೆ ಚೆನ್ನಾಗಿ ತಿನ್ನಿಸಬೇಕೆಂದು ಹೊಂಚುಹೊಕುತ್ತಿದ್ದೆವು. ಕಡೆಗೆ ಎರಡು ಹೊಟೇಲಿಗೆ ಹೋಗಿಬಂದೆವು.

೧. ಕೋರಮಂಗಳದಲ್ಲಿರುವ ಕೃಷ್ಣ ಕೆಫೆ - ನಮ್ಮ ಯು.ಎಸ್.ಸಹೋದ್ಯೋಗಿ ಚಮಚದ ಸಹಾಯವಿಲ್ಲದೆಯೇ ಬಾಳೆಯೆಲೆಯಲ್ಲಿ ಬಡಿಸಿದ ಪುಷ್ಕಳ ಭೋಜನವನ್ನು ಸವಿದ. ಮೆಣಸಿನಕಾಯಿ ಬಾಳಕವನ್ನು ಮಾತ್ರ ಹಾಗೆಯೇ ಬಿಟ್ಟುಬಿಟ್ಟ.
೨. ಬಸವನಗುಡಿಯ ಕಾಮತ್ ಬ್ಯೂಗಲ್ ರಾಕ್ - ಇಲ್ಲಿ ಪಕ್ಕಾ ಉತ್ತರ ಕರ್ನಾಟಕ ಶೈಲಿಯ, ಜೋಳದ ರೊಟ್ಟಿ, ಎಣ್ಗಾಯಿ, ಕಾಳಿನ ಪಲ್ಯ, ಸೊಪ್ಪಿನ ಪಲ್ಯ, ಅಂಟಿನವುಂಡೆ ತಿಂದೆವು. ಇಲ್ಲಿಯೂ ಕೂಡ ನನ್ನ ಸಹೋದ್ಯೋಗಿ ಚಮಚವನ್ನು ಬಳಸಲಿಲ್ಲ.