ಬರೆವಣಿಗೆಯ ಹಿಂದಿರುವ ಐಡಿಯಾಲಜಿ ಶಿಶುಸಾಹಿತ್ಯ ರಚನೆಗೆ ಅಡ್ಡಿಯಾಗುತ್ತದೆ ಎಂದು ನಾನು ಭಾವಿಸುವುದಿಲ್ಲ. ನಿರಂಜನರಿಗೂ ಒಂದು ಐಡಿಯಾಲಜಿ ಇತ್ತು. ಆದರೆ ಅವರು ಕಿರಿಯರ ವಿಶ್ವಕೋಶವನ್ನು ಸಂಪಾದಿಸುವಂಥ ಸಾಹಸಕ್ಕೆ ಕೈ ಹಾಕಿದರು. ಯಶಸ್ವಿಯೂ ಆದರು. ಪಂಜೆ ಮಂಗೇಶರಾಯರು ಬ್ರಿಟಿಶ್ ಆಡಳಿತವನ್ನು ನಾಗರಹಾವೇ... ಪದ್ಯದಲ್ಲಿ ಬಹಳ ಚೆನ್ನಾಗಿ ವ್ಯಕ್ತ ಪಡಿಸಿದ್ದಾರೆ. ಸೋವಿಯತ್ ಯೂನಿಯನ್ ಇದ್ದ ಕಾಲದಲ್ಲಿ ಬಂದ ಅನೇಕ ಮಕ್ಕಳ ಪುಸ್ತಕಗಳೂ ಐಡಿಯಾಲಜಿಯ ಅನಿವಾರ್ಯತೆಯಿಂದ ಹುಟ್ಟಿದವು. ಇವುಗಳಲ್ಲಿ ಹೆಚ್ಚಿನವು ಐಡಿಯಾಲಜಿಯನ್ನು ಮೀರಿ ನಿಂತ ಶಿಶು ಸಾಹಿತ್ಯ.