ಇಸ್ಮಾಯಿಲ್ ಅವರೇ,

ವಿಷಯ ನಿಜಕ್ಕೂ ಪ್ರತಿಯೊಬ್ಬರೂ ಗಂಭೀರವಾಗಿ ಹತ್ತು ನಿಮಿಷವಾದರೂ ಯೋಚಿಸಲೇಬೇಕಾದ್ದು. ಯಾವುದೋ ಸಂಸ್ಥೆ ತನ್ನ ಅಗತ್ಯಕ್ಕೆ ಭಾಷೆಯ ವಿಧಿ-ವಿಧಾನಗಳನ್ನು ತಿದ್ದುವುದು ಅಪರಾಧವೇ ಸರಿ.

ಸಾಫ್ಟ್‌ವೇರ್ "ಸಾ ಫ್ ಟ್ ವೇ ರ್" ಆದಲ್ಲಿ ಮೈಕ್ರೋಸಾಫ್ಟ್ "ಮ ಯ್ ಕ್ ರೋ ಸಾ ಫ್ ಟ್" ಆಗುತ್ತಾ ಅಂತ ಸಂಬಂಧಿಸಿದವರನ್ನು ಕೇಳಬೇಕು; ಏನು ಉತ್ತರ ಸಿಗುತ್ತೆ ಗೊತ್ತಗುತ್ತದೆ.  

ಮೈಕ್ರೋಸಾಫ್ಟ್ ಅಂತಲ್ಲ, ಯಾವ ಸಂಸ್ಥೆ ಕೂಡ ತಾನಾಗಿಯೇ ತನ್ನ ತಪ್ಪುಗಳನ್ನು ತಿದ್ದಿಕೊಳ್ಳುವುದಿಲ್ಲ; ಏಕೆಂದರೆ ಅವರ ದೃಷ್ಟಿಯಲ್ಲಿ ಅದು ತಪ್ಪೇ ಆಗಿರುವುದಿಲ್ಲ! ಅದನ್ನು ಮನವರಿಕೆ ಮಾಡಿಕೊಡಬೇಕಾದದ್ದು ನಮ್ಮ - ಅಂದರೆ ಪ್ರತಿಯೊಬ್ಬ ಕನ್ನಡಿಗನ - ಕರ್ತವ್ಯ.

ಈ ಕೆಲಸವನ್ನು ಮಾಧ್ಯಮಗಳ ಮೂಲಕ, ಅಥವಾ "ಜಾಥಾ"ದ ಮೂಲಕ, ಅಥವಾ "ಸಹಿ ಸಂಗ್ರಹಣೆ"ಯಂಥ ಸಾಂಕೇತಿಕ ವಿಧಾನಗಳ ಮೂಲಕ ಮಾಡಬಹುದು ಅಂತ ನನ್ನ ಅನಿಸಿಕೆ. ನೀವೇನಂತೀರಾ? ಆದರೆ ಒಟ್ಟಿನಲ್ಲಿ "bottom line" ಇರೋದು ನಮ್ಮ ಮೇಲೆ ಅಂತಲೇ ನನ್ನ ಅಭಿಪ್ರಾಯ. ಏನಾದರೂ ಒಂದನ್ನು ಕಾರ್ಯರೂಪಕ್ಕೆ ತಂದರೆ ಮಾತ್ರ, ಇಂತಹವುಗಳನ್ನು ತಡೆಗಟ್ಟಲು ಸಾಧ್ಯ. ಇಲ್ಲವಾದಲ್ಲಿ ನಮ್ಮ ನಡುವಣ ಈ ಚರ್ಚೆಗಳು "ಮೈಕ್ರೋಸಾಫ್ಟ್" ಅಂತಹ ಕಂಪೆನಿಯ ಮುಂಬಾಗಿಲನ್ನೂ ಸಹ ತಲುಪುವುದಿಲ್ಲ.

- ಶ್ಯಾಮ್ ಕಿಶೋರ್