ಪ್ರಿಯ ಸುನೀಲ್
ಮೈಕ್ರೋಸಾಫ್ಟ್ ನ ಅನಾಹುತಗಳ ಬಗ್ಗೆ 'ಉದಯವಾಣಿ'ಸಾಕಷ್ಟು ಬಾರಿ ಬರೆದಿದೆ. ಸ್ವತಂತ್ರ ಮತ್ತು ಮುಕ್ತ ತಂತ್ರಾಂಶಗಳ ಬಗ್ಗೆ ಹರಿಪ್ರಸಾದ್ ಬರೆದುಕೊಟ್ಟಿದ್ದರು. ತುಳು, ಕೊಂಕಣಿ, ಕೊಡವದಂಥ ಕನ್ನಡವನ್ನೇ ಲಿಪಿಯಾಗಿ ಬಳಸುವ ಭಾಷೆಗಳ ಸಮಸ್ಯೆಗಳ ಬಗ್ಗೆ ಯು.ಬಿ. ಪವನಜ ಬರೆದಿದ್ದರು. ತೇಜಸ್ವಿ ಕೂಡಾ ಕನ್ನಡ ಕಂಪ್ಯೂಟಿಂಗನ ಸಮಸ್ಯೆಗಳ ಕುರಿತು 'ಉದಯವಾಣಿ'ಯಲ್ಲಿ ಸಾಕಷ್ಟು ಬರೆದಿದ್ದಾರೆ. ಯೂನಿಕೋಡ್ ನಲ್ಲಿ ಇದ್ದ ಅರ್ಕಾವೊತ್ತಿನ ಸಮಸ್ಯೆ, ಕನ್ನಡ ಗಣಕ ಪರಿಷತ್ ತಯಾರಿಸಿದ ನುಡಿ ತಂತ್ರಾಂಶಕ್ಕೆ ಸಂಬಂಧಿಸಿದ ಚರ್ಚೆಗಳಿಗೂ ಉದಯವಾಣಿ ವೇದಿಕೆಯಾಗಿದೆ. ಯಾವುದಾದರೂ ನಿರ್ದಿಷ್ಟ ವಿಷಯ ಪತ್ರಿಕೆಯಲ್ಲಿ ನಿರಂತರವಾಗಿ ಚರ್ಚೆಯಾಗಬೇಕಾದರೆ ಅದಕ್ಕೆ ಓದುಗರೂ ಸ್ಪಂದಿಸಬೇಕಾಗುತ್ತದೆ. ಕಂಪ್ಯೂಟರ್ ಗೆ ಸಂಬಂಧಿಸಿದಂತೆ ಕನ್ನಡದ ವಿಷಯವನ್ನು ಬರೆದರೂ ಅದಕ್ಕೆ ಸ್ಪಂದಿಸುವವರ ಸಂಖ್ಯೆ ಇಲ್ಲಾ ಅನ್ನುವಷ್ಟು ಕಡಿಮೆ. ಪತ್ರಿಕಾ ಸಂಪಾದಕರೆಲ್ಲರೂ ತಂತ್ರಜ್ಞರಲ್ಲದ ಕಾರಣ ಇದು ಗಂಭೀರವಾದ ವಿಷಯವಾಗಿರಲಿಕ್ಕಿಲ್ಲ ಎಂದು ಅವರೂ ನಿರ್ಲಕ್ಷಿಸತೊಡಗುತ್ತಾರೆ.
ಹೀಗಾಗದಂತೆ ತಡೆಯುವ ಅಸ್ತ್ರ ನಮ್ಮ ಕೈಯಲ್ಲಿಯೇ ಇದೆ. ಸಂಪದದಲ್ಲಿ ತಂತ್ರಜ್ಞಾನದ ಕುರಿತಂತೆ ನೀವು ಬರೆಯುವ ಪ್ರತಿಕ್ರಿಯೆಗಳನ್ನು ಲೇಖನ ರೂಪಕ್ಕೆ, ಇಲ್ಲವೇ ಓದುಗರ ಓಲೆಯ ರೂಪಕ್ಕೆ ತಂದು ಪತ್ರಿಕೆಗಳಿಗೂ ಕಳುಹಿಸಬೇಕು.

ಪತ್ರಿಕೆಗಳ ಇ ವಿಳಾಸಗಳು ಹೀಗಿವೆ.
ಪ್ರಜಾವಾಣಿ:vachaka@deccanherald.co.in
ಕನ್ನಡಪ್ರಭ:info@kannadaprabha.com
ವಿಜಯಕರ್ನಾಟಕ:noorantumaatu@yahoo.com(ಸಂಪಾದಕರ ಇ-ವಿಳಾಸ)
ಸಂಯುಕ್ತ ಕರ್ನಾಟಕ: samkarnataka@rediffmail.com
ಉದಯವಾಣಿ: blrnews@manipalmedia.com
ಈ ಸಂಜೆ:eesanje@eesanje.com, eesanje@vsnl.in

ಇಸ್ಮಾಯಿಲ್

ನನ್ನ ಬ್ಲಾಗ್: http://ismail.sampada.net