"ಭಾರತದಲ್ಲಿ ಬಿ.ಟಿ.ಹತ್ತಿ", ಎಂಬ ಲೇಖನದಲ್ಲಿ ಇದನ್ನು ನಾನು ದಾಖಲಿಸಿದ್ದೇನೆ. ಓದಿ.
ಯೂರೋಪಿನ ಪ್ರತಿಯೊಬ್ಬ ಯುವಕನ ಆಗಿನಕಾಲದ ಬಯಕೆ ಎಂದರೆ, ಭಾರತಕ್ಕೆ ಹೋಗಿ ಅಲ್ಲಿನ ಮರಗಳಮೇಲೆ ಇರುವ ಶುಭ್ರ ಬಿಳಿಕುರಿತುಪ್ಪಟದಂತಹ ಉಣ್ಣೆಯನ್ನು ತರೊಣ ಎನ್ನುವುದು. ಅದರಿಂದ ಮಸ್ಲಿನ್ ಬಟ್ಟೆಗಳನ್ನು ಮಾಡುವ ನಮ್ಮ 'ಗೃಹಕೈಗಾರಿಕೆಗಳ'ನ್ನು ನೋಡಲು ಸೋಜಿಗ ಅವರಿಗೆ ! ಇಂಡಿಗೊ- ಪ್ರಾಕೃತಿಕ ಬಟ್ಟೆಗಳಿಗೆ ಹಾಕುವ ಬಣ್ಣ, ಅವರನ್ನು ಮೋಡಿಮಾಡಿತ್ತು ! ಕಪ್ಪು ಮೆಣಸಿನ ಕಾಳು, ಶ್ರೀಗಂಧ,ರೇಷ್ಮೆ ವಸ್ತ್ರ, ಎತ್ಯಾದಿ. ವಿಧವಿಧದ ಹಾವುಗಳು,ಆನೆಗಳು, ರಾಜ,ಮಹಾರಾಜರು,ಸಾಂಬಾರ್ ಪದಾರ್ಥಗಳು ಅವರನ್ನು ಹುಚ್ಚರನ್ನಾಗಿಸಿದ್ದವು. ಚೀಣದೇಶಕ್ಕೂ ಹೋಗಿ ಅಲ್ಲಿನ ಅದ್ಭುತ ಗಳನ್ನು ನೋಡುವ ಆತುರ ಅವರಿಗೆ.

ನಿಜವಾಗಿಯೂ 'ಕೊಲಂಬಸ್' ಇಂಡಿಯವನ್ನು ಕಂಡುಹಿಡಿಯಲು ಬಂದವನು, ಅದು ವೆಸ್ಟ್ ಇಂಡೀಸ್, ಅಂತ ತಿಳಿದಾಗ ಅವನಿಗೆ ಭಯಂಕರ ನಿರಾಶೆ ! ಬೆಂಜಮಿನ್ ಫ್ರಾಂಕ್ಲಿನ್, ಎಂಬ ಅಮೆರಿಕದ ಪ್ರಸಿದ್ಧ ಸಂವಿಧಾನ ಕರ್ತ, ತನ್ನ ಹೆಂಡತಿಯ, "ಶುದ್ಧ ನವಿರಾದ ಮಸ್ಲಿನ್ ಹತ್ತಿಯ ಫ್ರಾಕ್" ಕಾಣೆಯಾದ ಬಗ್ಗೆ, ಅಲ್ಲಿನ ಒಂದು ಪ್ರಸಿದ್ಧ 'ದಿನ ಪತ್ರಿಕೆ'ಯಲ್ಲಿ 'ಕಾಣೆಯಾದ ವಸ್ತುಗಳ ಸ್ಥಳದಲ್ಲಿ' ಮುದ್ರಿಸಿದ್ದು, ಅದು ಆ ದಿನದ ಒಂದು ಪ್ರಮುಖ ಸುದ್ದಿಯಾಯಿತೆಂದು ತಿಳಿಸಲು ನನಗೆ ಹೆಮ್ಮೆ ! ( ಬೆಂಜಮಿನ್ ಫ್ರಾಂಕ್ಲಿನ್ ರು ಒಬ್ಬ ಸಂಶೊಧಕರು,ವಿಜ್ಞಾನಿಗಳು, ವಿದ್ಯುಚ್ಛಕ್ತಿಯ ಬಗ್ಗೆ ಲೇಖನಗಳನ್ನು ಪ್ರಕಟಿಸುತ್ತಿದ್ದರು. ಅವರೊಬ್ಬ ರಾಜಕೀಯ ಧುರೀಣರು. ಒಂದು ದಿನ ಪತ್ರಿಕೆಯನ್ನು ಮುದ್ರಿಸಿ ಪ್ರಕಟಿಸುತ್ತಿದ್ದರು (ಫಿಲೆಡೆಲ್ಫಿಯದಲ್ಲಿ)

'ಹತ್ತಿಯ ಸಾಮ್ರಾಜ್ಯ'ದಲ್ಲಿ ನಾನು ನನ್ನ ಪೂರ್ತಿ ಜೀವನ ಕಳೆದನಲ್ಲ ! !

ಪಂ. ಜವಹರಲಾಲ್ ನೆಹ್ರೂ ರವರು ಒಂದು ಪ್ರಸಿದ್ಧ ಪತ್ರಿಕೆಗೆ ಮುನ್ನುಡಿ ಬರೆಯುವಾಗ ಬಳಸಿದ ಮಾತನ್ನು, ಯಾರೂ ಮರೆಯುವಂತಿಲ್ಲ !

"ನಮ್ಮನ್ನು ಆಳಿದ ಬ್ರಿಟಿಶ ಸಾಮ್ರಾಜ್ಯ, ತನ್ನ ಮೊದಲ 'ನೂರು ವರ್ಷಗಳನ್ನು' ಕೇವಲ ಹತ್ತಿ ಮತ್ತು ಅದರ ಉಪವಸ್ತುಗಳನ್ನು ತಮ್ಮದಾಗಿಸುವ 'ಕಲೆ'ಯನ್ನು ಪ್ರಚಾರಮಾಡುವುದರಲ್ಲಿ, ಕಲಿಯುವುದರಲ್ಲಿಯೇ, ಕಳೆಯಿತು." ! ಎಷ್ಟು ಅರ್ಥಪೂರ್ಣವಾಗಿದೆಯಲ್ಲವೆ ಅವರ ಮಾತುಗಳು ?

ಹತ್ತಿಯಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ಬೇಕಾದರೆ ನನ್ನನ್ನು ಸಂಪರ್ಕಿಸಿ.