ಇದನ್ನು ಸರಿಪಡಿಸಲಾಗಿದೆ.

ವಿಷಯ ಅನುಕೂಲದ್ದಲ್ಲ. ಮರ ಹತ್ತಲು ಅನುಕೂಲ ಮಾಡಿಕೊಡುವುದು ಬೇರೆ. ಮರವನ್ನು ಹತ್ತಿಸಿ ಬರುವುದು ಬೇರೆ.^*

ಎಲ್ಲ ಸುಲಭ ಮಾಡಿಬಿಟ್ಟರೆ ಉಳಿದವರು ಮೂರಾಣೆ ತಲೆಕೆಡಿಸಿಕೊಳ್ಳುವುದಿಲ್ಲ. ಸುಮ್ಮನೆ ಹಾಕ್ಕೊಳ್ತಾರೆ, ಬಳಸ್ತಾರೆ, "ಓಹೋ, ಚೆನ್ನಾಗಿದೆ ಅಂತಾರೆ", ತೆಗೆದು ಬಿಸಾಕ್ತಾರೆ. Passion ಉಳಿಯೋದಿಲ್ಲ. ಕೆಲವರು ಕೆಲಸ ಮಾಡ್ತಾನೇ ಇರ್ತಾರೆ - ಇನ್ನುಳಿದವರು ನೋಡ್ತಾನೇ ಇರ್ತಾರೆ.

ಅದೇ ಒಂದಷ್ಟು ಕಷ್ಟ ಪಟ್ಟ ಅನಂತರ ಕಂಡುಕೊಂಡರೆ "ಅಹಾ" ಎಂದುಕೊಂಡು ಸಂತಸಪಟ್ಟುಕೊಂಡು passionate ಆಗಿ ಬಳಸ್ತಾರೆ, ತಾವೂ ತೊಡಗಿಕೊಳ್ತಾರೆ. ಕಷ್ಟ ಪಟ್ಟು ಕಲೆತು ಮಾಡಿದ ಖುಷಿ ಸುಲಭವಾಗಿ ದೊರೆತದ್ದರಲ್ಲಿರುವುದಿಲ್ಲ.

ಹಾಗೆಯೇ ವಿಷಯ "ಎಲ್ಲ ಜನರ"ದ್ದಲ್ಲ ವಿಷಯ ನಮ್ಮಗಳದ್ದು - ಇದನ್ನು ಟೆಸ್ಟ್ ಮಾಡಿ ನೋಡಬೇಕಿರುವವರದ್ದು. ಹೊಸ ಲಿನಕ್ಸ್ ಆವೃತ್ತಿಗಳಲ್ಲಿ ಕನ್ನಡ ಲೊಕಾಲೆಯೊಂದಿಗೆ ಕನ್ನಡದಲ್ಲಿ ಗೈಮ್ ಹೇಗಿದ್ದರೂ ಬಂದೇ ಬರುತ್ತದೆ. ಆಗ ಅವರೇನೂ ಹೆಚ್ಚು ಮಾಡಬೇಕಾದದ್ದಿಲ್ಲ

ಸಾಮಾನ್ಯ ಜನರು ಎಂದು ಬೌಂಡರಿ ಯಾಕೆ ಎಳೆಯಬೇಕು? ಜನ ಟಿವಿ ರಿಮೋಟು ಕಲಿಯೋದು ಕಷ್ಟ ಅಂತ ನೋಡೋದು ಬಿಟ್ಟಿದ್ದಾರೆಯೆ? ವಾಷಿಂಗ್ ಮೆಶೀನ್ ಬಳಸೋದು ಕಷ್ಟ, ತಾಳ್ಮೆ ಇಲ್ಲ ಅಂತ ಬಳಸೋದು ಬಿಟ್ಟಿದ್ದಾರೆಯೆ? ಕಾರಲ್ಲಿರೋ ಸ್ಟೀರಿಯೋ ಬಳಸೋದನ್ನ ಕಲಿಯೋದು ಬಿಟ್ಟಿದ್ದಾರೆಯೇ? ಮೊಬೈಲು ಬಳಸೋದನ್ನ ಕಲೆಯೋದು ಬಿಟ್ಟಿದ್ದಾರೆಯೆ?

ಇಂದಿನ ಜೀವನದಲ್ಲಿ ಯಾರಿಗೆ ತಾಳ್ಮೆಯಿದೆ? ಯಾರಿಗೆ ಪುರುಸೊತ್ತಿದೆ? ಎಲ್ಲರಿಗೂ ಪುರುಸೊತ್ತಿಲ್ಲ!
ನನಗೂ ಪುರುಸೊತ್ತಿಲ್ಲ, ನಿಮಗೂ ಪುರುಸೊತ್ತಿಲ್ಲ! ಆದರೆ ಇದರ ಬಗ್ಗೆ ಮಾತನಾಡುತ್ತಿದ್ದೇವೆಯಲ್ಲವೆ? ಯಾಕೆ? ನಮಗಿದರ ಬಗ್ಗೆ ಉತ್ಸಾಹ ಇದೆ, ನಮಗಿದು ಬೇಕು ಅನ್ಸತ್ತೆ, ಅದಕ್ಕೆ!

ಪುರುಸೊತ್ತು ಎಲ್ಲರೂ *ಮಾಡಿಕೊಳ್ಳಬೇಕು* - ಯಾರಿಗೂ‌ ಪುರುಸೊತ್ತಿರೋದಿಲ್ಲ. ಪುರುಸೊತ್ತಾಗೋದು ನಾವು ಕೆಲಸ ಮಾಡಲೇಬೇಕಾದಾಗ ಅಥವ ಅದರ ಬಗ್ಗೆ ನಮಗೆ ಉತ್ಸಾಹ ಇದ್ದಾಗ.

ಎಲ್ಲವೂ ಮಾಡಿಕೊಟ್ಟರೆ ಯಾರೂ ಅದರ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ. ಸಮುದಾಯಗಳ ವಿಷಯವನ್ನು ಎತ್ತಿಕೊಂಡರೆ ನಾನು ಈ ಹಿಂದೆ ಹಲವು ಬಾರಿ ಹೇಳಿದಂತೆ - ಎಲ್ಲರದ್ದು ಒಂದಷ್ಟು ಜವಾಬ್ದಾರಿ ಇರುತ್ತದೆ. ಅದನ್ನು ಅವರವರುಗಳು ಮರೆಯಬಾರದು. ಪ್ರತಿಯೊಂದೂ ಕೆಲವರೇ ಮಾಡುವ ಸಮುದಾಯ "ಒಳ್ಳೆಯ ಸಮುದಾಯ" ಎನಿಸಿಕೊಳ್ಳುವುದಿಲ್ಲ.

ಶ್ಯಾಮ್ ಕಶ್ಯಪ್ ಸಮಾಜದಲ್ಲಿನ ನಮ್ಮ ಜವಾಬ್ದಾರಿಯ ಬಗ್ಗೆ ಒಂದು ಲೇಖನ ಬರೆದಿದ್ದರು. ಸಮುದಾಯಗಳಲ್ಲಿಯೂ ಹಾಗೆಯೇ. ಪ್ರತಿಯೊಬ್ಬರೂ ಅದನ್ನು ಸ್ವತಃ ಕಂಡುಕೊಳ್ಳಬೇಕು.

--
^* ಕಂಪ್ಯೂಟರ್ ಕಲಿಯದೆ ಕಂಪ್ಯೂಟರ್ ಹೇಗೆ ಬಳಸುತ್ತೀರಿ? ತಂತ್ರಜ್ಞಾನದ ಸುಳಿವೇ ಇಲ್ಲದೆ ತಂತ್ರಜ್ಞಾನವನ್ನಾದರೂ ಹೇಗೆ ಬಳಸುತ್ತೀರಿ? ಕಲಿಯುವಿಕೆ ಬಿಟ್ಟು ಕೆಲಸ ಮಾಡಲಾಗದು. ಹಲವರನ್ನು ನೋಡಿದ್ದೇನೆ - ಅವರಿಗೆ ಲಿನಕ್ಸ್ ಬೇಕು, ಆದರೆ ಲಿನಕ್ಸ್ ಕಲಿಯಲು ಇಷ್ಟವಿಲ್ಲ. ಅವರು ಕೊಡುವ ಸಬೂಬು - "ನಮಗೆ ಕಲಿಯುವ ತಾಳ್ಮೆ ಇಲ್ಲ" ಅಂತಲೋ ಅಥವ "ನಮಗದು ತಲೆಗೆ ಹೋಗುವುದಿಲ್ಲ" ಅಂತಲೋ. ಕೆಲವರಂತೂ ಇನ್ನೂ pathetic - "ಲಿನಕ್ಸೇ ಸರಿ ಇಲ್ಲ" ಎಂದುಬಿಡುತ್ತಾರೆ - fox grape storyಯ ನರಿೆ ತರಾ!

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"