Most Importantly (ಬಹುಮುಖ್ಯವಾಗಿ), ಈ ಉಲ್ಲಿತ, ಉದಿತ ಎಂಬ ಪದಗಳು ನನ್ನ ಸಂಶೋಧನೆಯಲ್ಲ, ಕನ್ನಡ ಕಾವ್ಯದಿಂದ ಹಾಗು ದಿನನಿತ್ಯ(ಉದು ಎಂಬ ಪದವನ್ನು ಏನಿಲ್ಲ ಎಂದೆರೂ ಮಾತನಾಡುವಾಗೆಲ್ಲ ಬಳಸುತ್ತೇವೆ. ಮಾಡುವುದು, ಹೇಳುವುದು, ಕೇಳುವುದು, ಆಡುವುದು, ಸೆಳೆಯುವುದು, ಹಾಡುವುದು, ಬೊಗಳುವುದು) ಬಳಕೆಯಿಂದ ಹೊರಬಂದದ್ದು, ಅದೂ ಕವಿರಾಜಮಾರ್ಗದಿಂದ. ಇದನ್ನು ಬಹುಶಃ ಕನ್ನಡವೇ ಸೃಷ್ಟಿಸಿಕೊಂಡಿರುವ ಆಂತರಿಕ ಅವಶ್ಯಕತೆಯೆಂದು ತಿಳಿಯಿರಿ. ಭಾಷೆಯನ್ನು ಬೆಳೆಸದೆ ಭಾಷೆಯನ್ನು ಉಳಿಸಲು ಸಾಧ್ಯವೇ ಇಲ್ಲ. ಸಂಪದದಲ್ಲಿ ಇರುವ ಕನ್ನಡದ ಮೇಷ್ಟ್ರಗಳು ಮುಂದಿನ ದಿನಗಳಲ್ಲಿ ಇದರ ಬಗ್ಗೆ ಹೆಚ್ಚು ತಿಳಿಸಿಕೊಡಬಹುದು. ನಿರೀಕ್ಷಿಸೋಣ. ನಿಂತ ನೀರಾದ ಯಾವುದೇ ವಸ್ತುವಾದರೂ ಕೂಡ ತನ್ನ ಶಕ್ತಿಯನ್ನು ಕಳೆದುಕೊಳ್ಳುತ್ತದೆ. ಕೊಳೆಯುತ್ತದೆ. ನನಗಂತೂ ಕನ್ನಡವು ನಿಂತ ನೀರಾಗುವುದು
ಇಷ್ಟವಿಲ್ಲ. ಕನ್ನಡದ ಆಳ ಹೆಚ್ಚಾಗಬೇಕು, ತಂತ್ರಜ್ಞಾನ ಮತ್ತು ಸೃಜನಶೀಲತೆ ಒಟ್ಟಾಗಬೇಕು. ಹಾಗಂತ ನಾನು ಹೇಳಿದ್ದೆಲ್ಲ ಸರಿಯೆಂದು ಒಪ್ಪಿಕೊಳ್ಳಿ ಎಂದು ಎಲ್ಲಿಯೂ ನಾನು ಹೇಳುತ್ತಿಲ್ಲ.

ಏನೇ ಆಗಲಿ, ಕನ್ನಡವು ಅಗಾಧ ಸಂಪತ್ತುಳ್ಳ ಭಾಷೆ ಎಂಬ ನನ್ನ ನಂಬಿಕೆಗೆ ಮತ್ತಷ್ಟು ಬಲ ಬಂದಿದೆ. ಇಂತಹ ಸಂಪತ್ತನ್ನು ನಮಗೆ ಬಿಟ್ಟುಹೋದ "ಶ್ರೀವಿಜಯ", ನಿನಗೆ ಹ್ಯಾಟ್ಸ್ ಆಫ್, ತಲೆಬಾಗಿ ನಮಸ್ಕರಿಸುತ್ತೇನೆ ಕಣಯ್ಯಾ ನಿನಗೆ. ಏಕವಚನ ಸಂಬೋಧನೆ ಅಂತ ಬೇಸರಿಸಬೇಡ. ತುಂಬಾ ಹತ್ತಿರದವರೊಡನೆ ಹೀಗೆಯೇ ಮಾತನಾಡಬೇಕಂತೆ. ಅಥವಾ ನೀನು ನಮಸ್ಕಾರಗಳನ್ನು ಸ್ವೀಕರಿಸುವುದಿಲ್ಲವಾದರೆ, ಹೆಮ್ಮೆಯಿಂದ ಎದೆಗಪ್ಪಿಕೊಳ್ಳುತ್ತೇನೆ. ತುಂಬಾ ತುಂಬಾ ಸಂತೋಷವಾಯಿತು. ಸವಿಯೊದಗು, ನನ್ನಿ, ಧನ್ಯವಾದಂಗಳು.