ಇಸ್ಮಾಯಿಲ್‌ರವರೇ ವೈಯಕ್ತಿಕ ಟೀಕೆಯೆಂದು ಭಾವಿಸಬೇಡಿ ಎಂದು ವಿನಮ್ರವಾಗಿ ಕೇಳಿಕೊಳ್ಳುತ್ತೇನೆ. ನಿಮ್ಮ ವಾದ ಸರಣಿಯೇ ನನಗರ್ಥವಾಗುತ್ತಿಲ್ಲ. ಅಲ್ಲ ಅನಿವಾಸಿಗಳು ಕೆಲವು ಪದಗಳನ್ನು ಹೇಳಿದರು ನಿಜ, ಅದರ ಬಗ್ಗೆ ಚರ್ಚಿಸೋಣ. ಆದರೆ ನಿಮ್ಮ ಮಾತು ನಿಜಕ್ಕೂ ಸೌಜನ್ಯರಹಿತವಾಗಿದೆ. ನನಗೆ ಬಹಳ ಬೇಸರವಾಯಿತು. ನಾನೆಲ್ಲೂ ಅನುವಾದಕ್ಕಾಗಿ Randomಗೆ ಪದ ಹುಡುಕುತ್ತಿಲ್ಲ. ಒಂದು ಕನ್ನಡ ಕಾವ್ಯವನ್ನು ಓದುವಾಗ ಸಿಕ್ಕಪದವನ್ನು ಹಂಚಿಕೊಂಡಿದ್ದೇನೆ. ಕನಿಷ್ಠ ಪಕ್ಷ ನಾನು ಬರೆದಿರುವುದು ಸರಿಯೇ, ತಪ್ಪೇ ಎಂದು ನೀವುಗಳು ಚರ್ಚಿಸುತ್ತಿಲ್ಲ. ವೈಯಕ್ತಿಕವಾಗಿ ಮೂಗಿನ ನೇರಕ್ಕೆ ಎಲ್ಲರೂ ಮಾತನಾಡುತ್ತಿದ್ದೀರಾ. ಅನೂಹ್ಯ, ಅಬದ್ಧ, ನಿಸೂತ್ರ, ಕುರುಡಾಯ್ಕೆಗಳಿಂದ ಒಂದನ್ನು ಆರಿಸೋಣ ಎಂದಿರಲ್ಲ, ಕಡೇ ಪಕ್ಷ ಉದು(random object), ಉದಿತ(randomised, ಒಂದು ಕ್ರಿಯೆ) ಎಂಬುದು ಏಕೆ ತಪ್ಪು ಎಂಬುದನ್ನು ನೀವು ನಿರೂಪಿಸಿದಿರೇ ? ಕನ್ನಡವು ಏನು ಪಾಪ ಮಾಡಿತ್ತು. ನಿಮಗೆ ಸಂಸ್ಕೃತದ ಮೇಲೆ ತುಂಬಾ ಅಕ್ಕರೆಯಿದ್ದರೆ, ಮೊದಲು ಕನ್ನಡದ ಪದವನ್ನು ತಪ್ಪು ಎಂಬುದನ್ನು ನಿರೂಪಿಸಿ. ನನ್ನನ್ನು ಕೆಲವರು ಕಾರಣವಿಲ್ಲದ ಸಂಸ್ಕೃತ ದ್ವೇಷಿ ಎನ್ನುವ ಹಾಗೆ ನಾನು ನಿಮ್ಮನ್ನು ಕನ್ನಡದ ದ್ವೇಷಿ ಎನ್ನಲೇ ? ಹಾಗೆ ಹೇಳುವುದು ಸರಿಯಲ್ಲ.

ಅಲ್ಲ ಸಾರ್, ಇತರ ಭಾರತೀಯ ಭಾಷೆಯಿಂದ ಆಯ್ದುಕೊಳ್ಳೋಣ ಎಂದಿರಲ್ಲ, ಅದು ಕನ್ನಡಿಗರಿಗೆ ಹೊಸಪದ ಎನಿಸುವುದಿಲ್ಲವೇ. ಹೊಸಪದವೇ ಆಗುವುದಾದರೆ, ಸರಳವೂ ಆಗುವುದಾದರೆ ಕನ್ನಡದ್ದೇ ಪದ ಏಕೆ ಬೇಡ ನಿಮಗೆ ? ನಾನು Random ಪದದ functionalityಯನ್ನು ನೋಡದೆ ಉದು, ಉದಿತ ಪದ ಹೇಳಿದ್ದೇನೆ ಎಂದು ಅದ್ಹೇಗೆ ತೀರ್ಮಾನಕ್ಕೆ ಬಂದಿರಿ ?

ಉಲ್ಲಿ - ಅಲ್ಲಿಯೂ ಅಲ್ಲದ, ಇಲ್ಲಿಯೂ ಅಲ್ಲದ ಯಾವ ಜಾಗ ಎಂದು ನಿಖರವಾಗಿ ಹೇಳಲಾಗದ ಜಾಗ ಆದರೆ ಎಲ್ಲೋ ಒಂದು ಕಡೆ ಇದ್ದೇ ಇದೆ.
ಉದು - ಅದೂ ಅಲ್ಲದ್ದು, ಇದೂ ಅಲ್ಲದ್ದು, ಯಾವುದು ಎಂದು ನಿಖರವಾಗಿ ಬೊಟ್ಟು ಮಾಡಿ ತೋರಲಾಗದ್ದು, ಆದರೆ ಯಾವುದೋ ಒಂದು ವಸ್ತು ಇರುವುದು ಮಾತ್ರ ಗ್ಯಾರೆಂಟಿ.

ಉದಿತ - ಉದು(ಯಾವುದೋ ಒಂದು, ಆದರೆ ಆರಿಸುವುದಂತೂ ಖಾತ್ರಿ) ವಸ್ತುವಿನ ಆಯ್ಕೆಗೆ ಸಂಬಂಧಿಸಿದ್ದು.

ಉದು, ಉದಿತ ಪದಗಳನ್ನು ಬಳಸುತ್ತೇವೆಯೋ ಇಲ್ಲವೋ ಬೇರೆ ವಿಚಾರ(ನನಗೆ ಎಳ್ಳಷ್ಟೂ ಬೇಸರವಿರುವುದಿಲ್ಲ), ಆದರೆ ನಿಜಕ್ಕೂ ಒಂದು ಕನ್ನಡ ಪದದ ಬಗ್ಗೆ ಏನನ್ನೂ ಚರ್ಚಿಸದೆ, ಅನಿವಾಸಿಗಳು ಬರೆದದ್ದು ಇಲ್ಲವೇ ಬೇರೆ ಭಾರತೀಯ ಭಾಷೆಯಿಂದ ಆರಿಸುವುದು ಎಂಬ ನಿಮ್ಮ ಟಿಪ್ಪಣಿ ನನಗೆ ಬಹಳ ಬೇಸರವನ್ನುಂಟು ಮಾಡಿತು

ಒಟ್ಟಿನಲ್ಲಿ, ಎಲ್ಲಿಂದ ಬೇಕಾದರೂ ಹೊಸತು ಬರಲಿ, ಕನ್ನಡದಿಂದ ಮಾತ್ರ ಬೇಡ ಎನ್ನುವಂತಿದೆ ನಿಮ್ಮ ಟಿಪ್ಪಣಿ (ಅನಿವಾಸಿಗಳು ಬರೆದದ್ದು, ಇಲ್ಲವೇ ಇತರ ಭಾರತೀಯ ಭಾಷೆ). ವೈಯಕ್ತಿಕ ಟೀಕೆಯೆಂದು ದಯವಿಟ್ಟು ಭಾವಿಸಬೇಡಿ, ಆದರೆ ನೀವು ಬರೆದ ಟಿಪ್ಪಣಿ ಸರಿಯೇ ಎಂದು ಯೋಚಿಸಿ.