ನಮಸ್ಕಾರ ಅನಿವಾಸಿಗಳೇ,

ನಿಮ್ಮ ೧ ಮತ್ತು ೨ನೆಯ ಪಾಯಿಂಟುಗಳು ಈಗಾಗಲೇ ಸಾಕಷ್ಟು ಚರ್ಚೆಯಾಗಿದೆ. ಯಾವುದು ಸುಲಭವೋ ಅದನ್ನು ಬಳಸುವುದು ಎಂಬುದೇ ಎಲ್ಲರ ಆಯ್ಕೆ. ಇದರ ಬಗ್ಗೆ ನಾನು ಹೆಚ್ಚು ಬರೆಯುವುದಿಲ್ಲ.

ಈ ಚರ್ಚೆಯಲ್ಲಿ ಭಾಗವಹಿಸಿದ್ದಕ್ಕೆ ನಿಮಗೆ ಧನ್ಯವಾದಗಳು. ನೀವು ನೀಡಿದ ಸಲಹೆಗಳು ಚೆನ್ನಾಗಿವೆ. ಅವುಗಳನ್ನು ಕುರಿತಾಗಿ ಯೋಚಿಸಿದಾಗ ಇವಿಷ್ಟು ಹೊಳೆಯಿತು. ನಿಮ್ಮೊಡನೆ ನನ್ನ ಆಲೋಚನೆಗಳನ್ನು ಹಂಚಿಕೊಳ್ಳುತ್ತಿದ್ದೇನೆ.

೧. ಕುರುಡಾಯ್ಕೆ (ಕಣ್ಣು ಮುಚ್ಚಿ ಆರಿಸಿದ್ದು) - ಇದು ಸರಿಯಲ್ಲ, Randomness ಕಣ್ಣು ಮುಚ್ಚಿಕೊಂಡು ಮಾಡುವಂಥದ್ದಲ್ಲ. Fractal Algorithm ನೋಡಿದರೆ ಬಹುಶಃ ನಿಮಗೆ ಮನದಟ್ಟಾಗುತ್ತದೆ.
೨. ಅನೂಹ್ಯ (ಊಹಿಸಲಸಾಧ್ಯವಾದ್ದು) - ಇದು ಸರಿಯಾಗಿದೆ, ಯಾದೃಚ್ಛಿಕಕ್ಕಿಂತ ಪರವಾಗಿಲ್ಲ. ಆದರೆ ಇದನ್ನು Exclamatory!! ವಿಷಯಗಳಲ್ಲಿ ಹೆಚ್ಚು ಬಳಸುತ್ತೇವೆ. ಮೊದಲೇ ಹೇಳಿದ ಹಾಗೆ ಇದು ಸಂಸ್ಕೃತ ಪದ (ನಾನು ಸಂಸ್ಕೃತ ದ್ವೇಷಿಯಲ್ಲ, again, ಆ ವಿಚಾರದ ಬಗ್ಗೆ ಚರ್ಚೆ ಬೇಡ). ಈ ಪದವನ್ನು ಎಲ್ಲ ಕನ್ನಡಿಗರೂ ಕೇಳಿರುತ್ತಾರೆ ಎಂಬ ನಂಬಿಕೆ ಬೇಡ. ಉದು ಅಥವಾ ಅನೂಹ್ಯಗಳಲ್ಲಿ ಯಾವುದು ಸರಳವಾಗಿದೆ. ಎರಡು ಪದವೂ ಕೇಳಿದ ತಕ್ಷಣ ಏನೆಂದು ಹೊಳೆಯುವುದಿಲ್ಲ. ಎರಡೂ ಒಂದು ರೀತಿ ಹೊಸತೇ. ಉದು(ಈಗಾಗಲೇ ಸಾಕಷ್ಟು ಬಳಕೆಗಳನ್ನು ನೀಡಿದ್ದೇನೆ) ಮತ್ತು ಊಹೆ ದಿನವೂ ಬಳಸುತ್ತೇವೆ. ಆದರೆ ಉದಿತ, ಅನೂಹ್ಯ ಬಹುಶಃ ಯಾರೂ ಬಳಸಿರುವುದಿಲ್ಲ. ಹೊಸತೇ ಆಗಬಹುದಾದರೆ, ಕನ್ನಡವೇಕೆ ಬೇಡ ? ಅಥವಾ ಉದಿತ, ಅನೂಹ್ಯ ಎರಡೂ ಕೃತಕವೆನ್ನುವುದಾದರೆ ಯಾವುದು ಹೆಚ್ಚು ಕೃತಕ.
It should get generated randomly = ಉದಿತವಾಗಿ ಮೂಡಬೇಕು, ಅನೂಹ್ಯವಾಗಿ ಮೂಡಬೇಕು. ಊಹಿಸಲಸಾಧ್ಯವಾಗಿ ಹುಟ್ಟಬೇಕು ಎಂದರೆ ಅರ್ಥವೇನು ? ಯಾವುದು ಸರಳ. ಈ ಉದಿತ, ಅನೂಹ್ಯಗಳನ್ನು ನಿಮ್ಮ ಹತ್ತಿರದ ಸಂಬಂಧಿಕರಿಗೆ ಹೇಳಿ ನೋಡಿ. ನಿಮ್ಮ ತಾಯಿ, ತಮ್ಮ, ಅಕ್ಕ...ಹೀಗೆ. ಅವರಿಗೆ ಅರ್ಥವಾದರೆ ಮುಂದೆ ನೋಡೋಣ. ಎರಡೂ ಹೊಸತೆಂದಾದರೆ, ಸರಳವಾದ ಪದವೇಕೆ ಬೇಡ.
Random = ಅನೂಹ್ಯ ಆದರೆ, Randomised = ಅನೂಹಿತವಾಗುತ್ತದೆ. ಕೊನೆಯಲ್ಲಿ ಯ ಕಾರ ಒತ್ತಾಗಿ ಬರುವ ಪದಗಳನ್ನು ಕನ್ನಡಿಗರು ಹೆಚ್ಚು ಬಳಸುವುದಿಲ್ಲ. ಊಹ್ಯ, ಭೋಜ್ಯ, ವರ್ಜ್ಯ, ವದ್ಯ, ವೇದ್ಯ. ಇದಕ್ಕೆ ಪೂರಕವಾಗಿ "ಸಂಸ್ಕೃತದ ಪದಗಳಿದ್ದರೂ ಸಂಸ್ಕೃತದ ಅವ್ಯಯಗಳಿಗೆ ಕನ್ನಡದ ವಿಭಕ್ತಿಗಳನ್ನು ಹತ್ತಿಸಕೂಡದು" ಎಂದು ಕವಿರಾಜಮಾರ್ಗದಲ್ಲಿ ಶ್ರೀವಿಜಯನು ಹೇಳಿದ್ದಾನೆ.(ಪರಿಚ್ಛೇದ ೧, ಪದ್ಯ ೫೨, ೫೩). ಕವಿರಾಜಮಾರ್ಗದ ಪ್ರಸ್ತಾಪ ಮಾಡಿದ ಮಾತ್ರಕ್ಕೆ ನಾನು ಕನ್ನಡ ಪಂಡಿತನೆಂದು ತಿಳಿಯಬೇಡಿ, ದಯವಿಟ್ಟು. ವ್ಯಾಕರಣದ ಹೊರತಾಗಿಯೂ, ವ್ಯಾಕರಣದ ಒಳಗಿನಿಂದಲೂ ಅನೂಹ್ಯ ಪದದ ವಿವರಣೆ ನೀಡಿದೆನಷ್ಟೇ.

೩. ಅಬದ್ಧ (ಯಾವ ವಿನ್ಯಾಸಕ್ಕೂ ಬದ್ಧವಲ್ಲದ್ದು) - ಇದು ಕನ್ನಡದ ಜಾಯಮಾನಕ್ಕಲ್ಲ. ಏಕೆಂದರೆ, ಕನ್ನಡ ಸಾಹಿತ್ಯದಲ್ಲಿ ಅಬದ್ಧ ಎನ್ನುವುದು ಕೆಟ್ಟದ್ದು, ಹೊಂದಿಕೊಂಡು ಹೋಗದ ರೀತಿಯಲ್ಲಿರುವುದು ಎಂಬುದಾಗಿ ಬಳಕೆಯಾಗುತ್ತದೆ.
ಅವನು ಅಬದ್ಧವಾಗಿ ಮಾತನಾಡುತ್ತಾನೆ ಎಂಬ ಪದಪ್ರಯೋಗವನ್ನು ನೀವು ಕೇಳಿರಬಹುದು.
೪. ನಿಸೂತ್ರ (ಯಾವ ಸೂತ್ರಕ್ಕೂ ಬದ್ಧವಲ್ಲದ್ದು) - ಇದು ಖಂಡಿತ ತಪ್ಪು, Randomness ಎನ್ನುವುದನ್ನು ಒಂದು Algorithm ಮೂಲಕ ಹುಟ್ಟಿಸಬಹುದು. Random Generation Algorithm ಎನ್ನುವುದನ್ನು ಹೇಗೆ ಹೇಳುತ್ತೀರಿ. ನಿಸೂತ್ರ ಜನಕ ಸೂತ್ರ!!, randomised - ನಿಸೂತ್ರಿತ !!!

ಅನೂಹ್ಯ ಎನ್ನುವುದು Exclamation ರೀತಿಯಲ್ಲಿ ಸರಿ ಎಂದು ಹೇಳಿದೆನಷ್ಟೇ. ಇದನ್ನು ಕನ್ನಡಿಗರು ತಿಳಿದಿರುತ್ತಾರೆ ಎಂಬ ನಂಬಿಕೆಯು ಬೇಡ ಎಂತಲೂ ಹೇಳಿದೆನಷ್ಟೇ. ಆದರೆ ಒಂದು ನನಗರ್ಥವಾಗದ್ದು, ಚರ್ಚೆ ಸ್ವಾರಸ್ಯವಾಗಿದೆ ಎಂದಿರಿ ಆದರೆ ಉದು, ಉದಿತ ಬಗ್ಗೆ ಒಂದು ಮಾತನ್ನೂ ಹೇಳಲಿಲ್ಲವಲ್ಲ. ಹಾಂ! ಹೇಳಲೇಬೇಕು ಅಂತ ನನ್ನ ಒತ್ತಾಯ ಖಂಡಿತವಾಗಿಯೂ ಇಲ್ಲ.

ನಾನೀಗಾಗಲೇ ನಿರೂಪಿಸಿರುವ ಹಾಗೆ ಉದು ಎನ್ನುವುದನ್ನು ದಿನವೂ ಬಳಸುತ್ತಿದ್ದೇವೆ. ಹೊಸಪದವಲ್ಲ ಅದು. ಅನೂಹ್ಯ, ಉದಿತ(ಉದು ವಸ್ತುವನ್ನು ಆರಿಸುವ ಕ್ರಿಯೆ) ಇವುಗಳಲ್ಲಿ ಯಾವುದು ಸರಳ ?

ನಿಮ್ಮ ಮಾತು ಒಪ್ಪಿದೆ. ಆದರೆ ಕನ್ನಡ ಕಾವ್ಯದಿಂದಲೇ ಬಂದ ಉದು, ಉದಿತ ಪದದ ಬಗ್ಗೆ ಏಕೆ ನೀವು ಒಂದು ಮಾತನ್ನೂ ಆಡಲಿಲ್ಲ. ತಮಿಳು, ತೆಲುಗಿನಿಂದ ಪದ ಸ್ವೀಕರಿಸೋಣ ಎಂದಿರಲ್ಲ, ಕನ್ನಡದಲ್ಲಿಯೇ ಆಲೋಚಿಸಿ, ಕನ್ನಡದಿಂದಲೇ ಸರಳವಾದ ಪದ ಬಂದರೆ ಏಕೆ ಬೇಡ ಎನ್ನುತ್ತೀರಾ ? ಕನ್ನಡದಲ್ಲಿ ಹೊಸತನವೇ ಇಲ್ಲವೇ ಹಾಗಾದರೆ. ನಾನು ಅಂದೇ ಹಾಕಿದ್ದೆ, ಬೇರೆ ಎಲ್ಲ ಭಾಷೆಗಳ ಮೂಲಕ ಬರುವ ಹೊಸತನ್ನು ಯಾವುದೇ ಅಳುಕಿಲ್ಲದೆ ಸ್ವೀಕರಿಸುವ ನಾವುಗಳು, ಕನ್ನಡದ ವಿಷಯ ಬಂದಾಗ ಅಳುಕುವುದೇಕೆ. ನಿಸಾರ್ ಅಹ್ಮದ್ ಅವರು ಹೇಳಿದ ವಾಕ್ಯಗಳನ್ನು, ಮೊದಲ ಟಿಪ್ಪಣಿಯಲ್ಲಿ ಹಾಕಿದ್ದೇನೆ ನೋಡಿ. ಸಂಸ್ಕೃತದಲ್ಲಿಯೇ ಇರದಿದ್ದ ಧ್ವನ್ಯಾಲಂಕಾರ ಕನ್ನಡದಲ್ಲಿ ಇತ್ತು ಎಂಬುದನ್ನೂ ಕೂಡ ಮೊದಲ ಟಿಪ್ಪಣಿಯಲ್ಲಿಯೇ ಹಾಕಿದ್ದೇನೆ. ಆಸಕ್ತಿಯುಳ್ಳವರು ಮತ್ತೆ ನೋಡಬಹುದು.