ರಣಜಿ ಏಕದಿನ ಟ್ರೋಫಿಯ ಪಂದ್ಯಾಟಗಳಲ್ಲಿ ದಕ್ಷಿಣ ವಲಯ ಲೀಗ್ ಪಂದ್ಯಗಳಲ್ಲಿ ಕರ್ನಾಟಕ ಇಂದು ಆಂಧ್ರಪ್ರದೇಶವನ್ನು ಸೋಲಿಸಿ ತನ್ನ ಸತತ ನಾಲ್ಕನೇ ವಿಜಯವನ್ನು ದಾಖಲಿಸಿದೆ. ಇದರಿಂದ ಕರ್ನಾಟಕ ನಾಕ್ ಔಟ್ ಹಂತ ತಲುಪುವುದು ಖಚಿತಗೊಂಡಿದೆ. ನಾಕ್ ಔಟ್ ಹಂತದಲ್ಲಿ ಎದುರಾಳಿ ಯಾರು ಎಂಬುದನ್ನು ಕಾದು ನೋಡಬೇಕು. ಅಂಧ್ರಪ್ರದೇಶದ ವಿರುದ್ಧದ ಪಂದ್ಯದ ಸಂಕ್ಷಿಪ್ತ ಸ್ಕೋರು ವಿವರ:

ಕರ್ನಾಟಕ ೫೦ ಓವರುಗಳಲ್ಲಿ ೮ ಹುದ್ದರಿಗಳ ನಷ್ಟಕ್ಕೆ ೨೪೪ ಓಟಗಳು (ಭರತ್ ಚಿಪ್ಲಿ ೦, ಗೌರವ್ ಧೀಮನ್ ೫, ರೋಲಂಡ್ ಬ್ಯಾರಿಂಗ್ಟನ್ ೯೭, ಚಂದ್ರಶೇಖರ್ ರಘು ೧೦, ದೀಪಕ್ ಚೌಗುಲೆ ೮೩, ತಿಲಕ್ ನಾಯ್ಡು ೧, ಅಖಿಲ್ ೫, ವಿನಯ್ ಕುಮಾರ್ ೦, ಯೆರೆ ಗೌಡ ೮ ಅಜೇಯ ಮತ್ತು ಸುನಿಲ್ ಜೋಶಿ ೧೫ ಅಜೇಯ).

ಆಂಧ್ರಪ್ರದೇಶ ೪೧.೩ ಓವರುಗಳಲ್ಲಿ ಎಲ್ಲಾ ಹುದ್ದರಿಗಳನ್ನು ಕಳಕೊಂಡು ೧೬೦ ಓಟಗಳು (ವಿನಯ್ ಕುಮಾರ್ ೨೩ಕ್ಕೆ ೨ ಹುದ್ದರಿಗಳು, ಧನಂಜಯ ೪೯ಕ್ಕೆ ೨ ಹುದ್ದರಿಗಳು, ಸುನಿಲ್ ಜೋಶಿ ೩೮ಕ್ಕೆ ೩ ಹುದ್ದರಿಗಳು ಮತ್ತು ಚಂದ್ರಶೇಖರ್ ರಘು ೩೪ಕ್ಕೆ ೩ ಹುದ್ದರಿಗಳು).

ಕರ್ನಾಟಕಕ್ಕೆ ೮೪ ಓಟಗಳಿಂದ ಜಯ.
ಕರ್ನಾಟಕದ ಮುಂದಿನ ಪಂದ್ಯ ಹೈದರಾಬಾದ್ ವಿರುದ್ಧ ಫೆಬ್ರವರಿ ೧೬ ರಂದು.