ನಿಮ್ಮೆಲ್ಲರ ಪ್ರೋತ್ಸಾಹದಿಂದ ಉತ್ಸಾಹಿತನಾದ ನಾನು ನನ್ನ ಇನ್ನೆರಡು ಚಿತ್ರಗಳನ್ನು ನಿಮಗೆ ತೋರಿಸಬಯಸುತ್ತಿದ್ದೇನೆ. ದಯವಿಟ್ಟು ನೋಡಿ.

http://www.youtube.com/watch?v=ehAyOf6kiVI ಯ ಕನ್ನಡ

ಯಕ್ಷೋತ್ತಮ - ಇದು ಯಕ್ಷಗಾನ ಕಲಾವಿದನೊಬ್ಬನ ಜೀವನದ (ಕಾಲ್ಪನಿಕ) ಮೇಲಿನ ಒಂದು ಕಿರು ಕಥಾ ಚಿತ್ರ. ಇದನ್ನು ೩೫ ಎಮ್.ಎಮ್. ನೆಗೆಟಿವ್ ಮೇಲೆ ಚಿತ್ರೀಕರಿಸಲಾಗಿದೆ. ಯಕ್ಷಗಾನ ಕೇಂದ್ರ, ಉಡುಪಿಯವರ ಸಹಕಾರದಿಂದ ಈ ಪ್ರಯತ್ನ ಸಫಲವಾಯಿತು. ಚಿತ್ರ ನಿಮಗೆ ಸಂತೋಷ ನೀಡುತ್ತೆ ಎಂದು ಭಾವಿಸಿದ್ದೇನೆ.

http://www.youtube.com/watch?v=JKXc22i7TWQ

ಪೂರ್ವರಂಗ - ಇದು ಉಡುಪಿ ಯಕ್ಷಗಾನ ಕೇಂದ್ರದ ಗುರು ಶ್ರೀ ಸಂಜೀವ ಸುವರ್ಣರ ನೇತೃತ್ವದಲ್ಲಿ ಮರು-ರೂಪಿತಗೊಂಡ ಯಕ್ಷಗಾನ ಪೂರ್ವರಂಗ ಪ್ರಯೋಗದ ಕುರಿತಾದ ಸಣ್ಣ ಸಾಕ್ಷ್ಯಚಿತ್ರ. ಇದನ್ನು ನೋಡಿ ಚಿತ್ರಕ್ಕೂ ಯಕ್ಷಗಾನ ಪುನರುತ್ಥಾನಕ್ಕೂ ಬೆಂಬಲ ನೀಡುವಿರೆಂದು ಭಾವಿಸಿದ್ದೇನೆ.

ಇನ್ನು ಸಂಗನ ಗೌಡ ಅವರೇ, ನಿಮ್ಮ ಪ್ರಶ್ನೆಗೆ ನಿರ್ದಿಷ್ಟ ಉತ್ತರ ಕೊಡುವುದು ಕಷ್ಟ. ಏಕೆಂದರೆ, ನಾವು ಯಾವ ಮಾಧ್ಯಮದಲ್ಲಿ ಚಿತ್ರೀಕರಣ ನಡೆಸುತ್ತೇವೆ, ಎಷ್ಟು ಸ್ಥಳಗಳಲ್ಲಿ ಚಿತ್ರೀಕರಿಸುತ್ತೇವೆ. ನಮಗೆ ಬೇಕಾಗುವ ಸಲಕರಣೆಗಳು ಏನು, ಯಾವ ರೀತಿಯ ಸಂಗೀತದ ಅಗತ್ಯ ಇದೆ, ನಟರ ಸಂಭಾವನೆ ಎಷ್ಟು, ತಂತ್ರಜ್ಞರು ಯಾರು? ಅವರ ಸಂಭಾವನೆ ಎಷ್ಟು ಇತ್ಯಾದಿ ಅನೇಕ ವಿಷಯಗಳು ಅನಿಶ್ಚಿತವಾದ್ದರಿಂದ ಒಂದು ಅಂದಾಜು ಮೊತ್ತವನ್ನು ನಾನು ಹೇಳುವುದು ಕಷ್ಟವಾಗುತ್ತೆ. ನಿಮಗೇನಾದರೂ ನಿರ್ಧಿಷ್ಟ ಯೋಜನೆ ಇದ್ದರೆ, ಅದನ್ನು ತಿಳಿಸಿದಲ್ಲಿ ನಾನು ಒಂದು ಅಂದಾಜು ಹೇಳುವುದು ಸಾಧ್ಯವಾಗಬಹುದು.