ಅಭಯ ಸಿಂಹ ಅವರೆ,
ನಿಮ್ಮ ಕಿರುಚಿತ್ರಗಳು ತುಂಬಾ ಚೆನ್ನಾಗಿವೆ ಅಂತ ಹೇಳಿದ್ರೆ ಅವಕ್ಕೆ ನ್ಯಾಯ ಸಲ್ಲಿಸಿದಂತೆ ಆಗುವುದಿಲ್ಲ, ಅದಕ್ಕೆ ನನ್ನ ಅಭಿಪ್ರಾಯವನ್ನು ವಿಸ್ತ್ರುತವಾಗಿ ಬರೆಯುತ್ತಿದ್ದೇನೆ.
ಇಲ್ಲಿರುವ ಕಿರುಚಿತ್ರಗಳಲ್ಲಿ ಒಂದು ಗಮನಾರ್ಹ ಸಂಗತಿಯೆಂದರೆ, ಒಬ್ಬ ವಿದ್ಯಾರ್ಥಿಯಾಗಿ ಚಿತ್ರ ನಿರ್ದೇಶನದ ಹಲವಾರು ಮಜಲುಗಳನ್ನು ನೀವು ಪ್ರಯೋಗಿಸಿದೀರಾ ಅಂತ ನನಗೆ ಅನಿಸ್ತದೆ. ಫ಼್ಲಾಷ್‍ಬ್ಯಾಕ್, ಹಾಡು, ಕುಣಿತ, ಹೊರದೇಶದ ಚಿತ್ರಣ, ಗ್ರಾಮೀಣ ಬದುಕು, ನಗರ ಜೀವನ, ಮಧ್ಯಮ ವರ್ಗದ ಅನಿವಾರ್ಯತೆಗಳು, ಹೀಗೆ ಹತ್ತು ಹಲವಾರು ಮಜಲುಗಳು ಚಿತ್ರಣಗೊಂಡಿವೆ. ಒಬ್ಬ ನಿರ್ದೇಶನ ವಿದ್ಯಾರ್ಥಿಗೆ ಇದು ಒಂದು ಪರಿಪೂರ್ಣ ಅವಕಾಶ ಅಂತ ನನ್ನ ಭಾವನೆ.
೧. ಸೀ ಸೈಡ್ ಸ್ಟೋರಿ : ಇದು ಸದ್ಯದ ಗ್ರಾಮೀಣ ಭಾರತದ ಕುಟುಂಬಗಳ ಚಿತ್ರಣ ನೀಡುತ್ತೆ. ಮುಖ್ಯವಾಗಿ ವೃತ್ತಿ ಸಂಬಂಧವೋ ಅಥವಾ ಇನ್ಯಾವುದೋ ಅನಿವಾರ್ಯತೆಯಿಂದ ಹೊರನೆಲೆಸಿರುವ ಮಕ್ಕಳಿಗೆ ಪಾಲಕರ ಒಂಟಿತನದ ಬದುಕನ್ನು ಹಂಚಿಕೊಂಡು ನಿವೃತ್ತಿಯ ಬದುಕನ್ನು ಸಹನೀಯಗೊಳಿಸುವುದರ ಅವಶ್ಯಕತೆ ಹಾಗೂ ಜೀವನದ ಅನಿವಾರ್ಯತೆಯ ಇಬ್ಬಂದಿತನವನ್ನ ಚೆನ್ನಾಗಿ ಹೇಳಿದೀರ. ಇದನ್ನ ನೋಡಿದಾಗ ನಂಗೆ ಶಂಕರ್ ನಾಗ್ ಅವರ ಆಂಗಲ್ ನೆನಪಿಗೆ ಬಂತು.
೨. ಸೋಲೊ ಸಿಂಗರ್ ಆಂಡ್ ಬ್ಲೂ ಸಿಟಿ : ಇದು ನನ್ನ ಫ಼ೇವರಿಟ್; ಸೂಪರ್ ಆಂಗಲ್ಸ್, ಒಳ್ಳೇ ಥೀಮ್
೩. ಕಾಮಿಕ್ ಝೋನ್ : ಇದು ಶುರುವಿನಲ್ಲಿ ಸ್ವಲ್ಪ ಬೋರ್ ಅನಿಸಿದರೂ, ನಂತರ ಒಳ್ಳೇ ಮಾಹಿತಿ ನೀಡಿತು. ನನ್ನ ಮೆಚ್ಚಿನ ಅಮರ ಚಿತ್ರ ಕಥೆಯ "ಗರ್ಭರಹಸ್ಯ" ತಿಳಿದಿರಲಿಲ್ಲ.
೪. ಸುಬ್ಬು : ಈ ವ್ಯಕ್ತಿ ಇಂದಿನ ಐ ಟಿ ಪೀಳಿಗೆಯನ್ನು ಪ್ರತಿನಿಧಿಸುವ ವ್ಯಕ್ತಿ ಎನ್ನಬಹುದು, ನನ್ನ ಹಲವಾರು ಸ್ನೇಹಿತರು ಸುಬ್ಬುಗಳೇ!
೫. ರಬ್ ಜಾನೆ: ಇದು ಕೂಡಾ ಸೂಪರ್ ಆಗಿ ಬಂದಿದೆ. ಇದರ ಹೈಲೈಟ್ ಅಂದರೆ, ಸಿನಿಮಾಟೋಗ್ರಫಿ; ಮಣಿರತ್ನಂಗೆ ಸಂತೋಷ್ ಶಿವನ್, ಅಥವಾ ರಾಜೀವ್ ಮೆನನ್ ಶೂಟಿಂಗ್ ಮಾಡಿದ ಹಂಗೆ ಬಂದಿದೆ. ಈ ಹಾಡಿಂದ ಹೇಳ್ಬಹುದು; ನಿಮ್ಗೆ ಒಂದು ಸಿನಿಮಾನ ಪೂರ್ಣ ರೆಡಿ ಮಾಡೋಕೆ ಗೊತ್ತು ಅಂತ.
೬. ಒಂದು ಸಾವಿನ ವೃತ್ತಾಂತ : ಇದು ರಿಯಾಲಿಟಿ ಶೋ ಅಥ್ವಾ ಕ್ರೈಂಡೈರಿ ಸೀರಿಯಲ್ ಥರಾ ಅನಿಸ್ತು. ಘಟನೆ ಮನಕಲುಕುವಂತೆ ಇದೆ ಅನಿಸಿದರೂ, ನಮ್ಮ ದೇಶದಲ್ಲಿ ಇತ್ತೀಚೆಗೆ ಇದು ತುಂಬಾ ಸಾಮಾನ್ಯ ಆಗೋಗಿದೆ. ಯಾರ್ದೋ ತಪ್ಪಿಗೆ ಇನ್ನಾರೋ ಕಷ್ಟ ಅನುಭವಿಸ್ತಾರೆ.

ಇವಿಷ್ಟೂ ನಂಗೆ ಅನಿಸಿದ್ದು. ನಾನೇನೂ ಚಲನಚಿತ್ರಗಳ ಬಗ್ಗೆ ಅಧ್ಯಯನ ನಡೆಸಿದವನಲ್ಲ. ನಿಮ್ಗೆ ಒಳ್ಳೇ ಭವಿಷ್ಯವಿದೆ ಎಂದು ನನ್ನ ಅನಿಸಿಕೆ, ನಿಮ್ಗೆ ಒಳ್ಳೇದಾಗಲಿ

- ಕನ್ನಡಿಗ