ಹೌದು. ತಂತ್ರಾಂಶದ ಜೊತೆ ಉಪಯೋಗಿಸುವ ವಿವರವನ್ನೂ ಕೊಡಬೇಕು.

ತಂತ್ರಾಂಶ ಪ್ರಾರಂಭಿಸಿದ ಕೂಡಲೆ "ಹೇಮಾವತಿ, ಶರಾವತಿ, ನೇತ್ರಾವತಿ, ಕಾವೇರಿ" ಎಂದು ನಮ್ಮ ಕಣ್ಮುಂದೆ ಬರುತ್ತದೆ. ಅವುಗಳು ಏನು ಎಂಬುದು ಯಾರಿಗೂ ತಿಳಿಯೋದಿಲ್ಲ (ನಮ್ಮ ನದಿಗಳ ಹೆಸರು ಎಂಬುದೊಂದು ಬಿಟ್ಟರೆ). ಈ ಹೆಸರುಗಳ ಕೆಳಗೆ ಒಂದೆರಡು ವಾಕ್ಯಗಳು (ಇದು ಏನು, ಹೇಗೆ ಬಳಸೋದು ಎಂದೆಲ್ಲ) ಬರೆಯಬೇಕು, ತಂತ್ರಾಂಶ ಕತೃಗಳು. ಇದು ಒಳ್ಳೆಯ ತಂತ್ರಾಂಶಗಳಲ್ಲಿ ಇರಬೇಕಾದ ಗುಣ, ಕೂಡ.

ಇನ್ನು ಕನ್ವರ್ಟರ್ ಅಥವ ಪರಿವರ್ತಕವನ್ನು ನಾನಿನ್ನೂ ಬಳಸಿ ನೋಡಿಲ್ಲ. ಏಕೆಂದರೆ SRGಯಾಗಲಿ, Shrilipiಯಾಗಲಿ ನಾನು ಬಳಸಿಯೇ ಇಲ್ಲ (ಹೀಗಾಗಿ ಆ ಎನ್ಕೋಡಿಂಗ್ ನಲ್ಲಿರುವ ಪುಟಗಳು ನನ್ನಲ್ಲಿಲ್ಲ ಎಂಬುದನ್ನು ಹೇಳಬೇಕಿಲ್ಲ). ಆ ತಂತ್ರಾಂಶದಲ್ಲಿ ಬೆಂಬಲ ನೀಡಿರುವ ಇನ್ನು ಎರಡು ಎನ್ಕೋಡಿಂಗ್ ವ್ಯವಸ್ಥೆಗಳು - "ಸುರಭಿ" ಮತ್ತು "ಅನು" ಇವುಗಳ ಬಗ್ಗೆ ನಾನು ಈ ಹಿಂದೆ ಕೇಳಿರಲಿಲ್ಲ, SRGಯ ಬಗ್ಗೆ ಕೂಡ ತೇಜಸ್ವಿಯವರ ಮನೆಗೆ ಒಮ್ಮೆ ಹೋದಾಗಲೆ ತಿಳಿದುಬಂದದ್ದು.

ನೇರವಾಗಿ ಈ ತಂತ್ರಾಂಶದ ಬಗ್ಗೆ ಅಭಿಪ್ರಾಯ ದಾಖಲು ಮಾಡಬೇಕೆಂದರೆ - ಈ ತಂತ್ರಾಂಶ ಹೊಸತೇನನ್ನೂ ಮಾಡುವುದಿಲ್ಲ. ಹಳೆಯ ಕೆಲವು ಎನ್ಕೋಡಿಂಗ್ ವ್ಯವಸ್ಥೆಗಳನ್ನ "ಕುವೆಂಪು" ಎಂಬ ಹೆಸರು ಹೊತ್ತ ಹೊಸತೊಂದು ವ್ಯವಸ್ಥೆಗೆ ಪರಿವರ್ತಿಸುತ್ತಿದ್ದಾರೆ, ಅಷ್ಟೆ. ಈಗಾಗಲೆ ಇರುವ ಬರಹ, ನುಡಿ ಮುಂತಾದ (edit) ANSCII ASCII ಎನ್ಕೋಡಿಂಗುಗಳ ಜೊತೆ ಇದೊಂದು ಸೇರಿಕೊಂಡು ಹೋಗಲಿದೆ. ಯೂನಿಕೋಡ್ ಗೆ ಪರಿವರ್ತಕವನ್ನು ಬರೆದರೆ ಖಂಡಿತವಾಗಿ ಹೊಸತೊಂದು ಮಾಡಿದಂತಾಗುತ್ತದೆ. ಆದರೆ ಈಗಿನಂತೆ ಈ ತಂತ್ರಾಂಶ ಹೆಚ್ಚು ಜನರ ಉಪಯೋಗಕ್ಕೆ ಬರುವ ಸಾಧ್ಯತೆಯಂತೂ ಕಡಿಮೆಯೇ.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"