ತ್ರಿಪುರ ವಿರುದ್ಧ ತನ್ನ ಕೊನೆಯ ಲೀಗ್ ಪಂದ್ಯವನ್ನು ೮ ಹುದ್ದರಿಗಳಿಂದ ಜಯಿಸಿ ಕನ್ನಡಿಗ ಅರುಣ್ ಕುಮಾರ್ ನೇತೃತ್ವದಲ್ಲಿ ಅಸ್ಸಾಮ್ ರಣಜಿ ಏಕದಿನ ಟ್ರೋಫಿಯಲ್ಲಿ ಪೂರ್ವ ವಲಯದ ಅಗ್ರಸ್ಥಾನಿಯಾಗಿ ನಾಕ್ ಔಟ್ ಹಂತ ಪ್ರವೇಶಿಸಿದೆ. ಒರಿಸ್ಸ, ಝಾರ್ಖಂಡ್ ಮತ್ತು ತ್ರಿಪುರ ವಿರುದ್ಧದ ಪಂದ್ಯಗಳಲ್ಲಿ ಗೆಲುವು ಕಂಡರೆ ಬಂಗಾಲ ವಿರುದ್ಧದ ಪಂದ್ಯ ಮಳೆಯ ಕಾರಣ ರದ್ದುಗೊಳಿಸಲಾಗಿತ್ತು. ಬಂಗಾಲ ದ್ವಿತೀಯ ಸ್ಥಾನಿಯಾಗಿ ಪೂರ್ವ ವಲಯದಿಂದ ನಾಕ್ ಔಟ್ ಹಂತ ಪ್ರವೇಶಿಸಿದೆ. ಕನ್ನಡಿಗ ಅರುಣ್ ೪ ಪಂದ್ಯಗಳಲ್ಲಿ ಒಂದು ಶತಕದ ಬಾರಿಯೊಂದಿಗೆ ೧೨೮.೫ ಸರಾಸರಿಯಲ್ಲಿ ೨೫೭ ಓಟಗಳನ್ನು ಗಳಿಸಿದ್ದಾರೆ. ಕರ್ನಾಟಕವೂ ತನ್ನ ವಲಯದ ಅಗ್ರಸ್ಥಾನಿಯಾಗಿ ನಾಕ್ ಔಟ್ ಹಂತ ಪ್ರವೇಶಿಸಿದೆ. ಮಧ್ಯ ಮತ್ತು ಉತ್ತರ ವಲಯಗಳ ಪಂದ್ಯಗಳನ್ನು ಮಳೆಯ ಕಾರಣದಿಂದ ಒಂದು ವಾರ ಮುಂದೂಡಲಾದ ಕಾರಣ ಆ ಪಂದ್ಯಗಳು ಮುಗಿದ ಬಳಿಕ ನಾಕ್ ಔಟ್ ಹಂತದಲ್ಲಿ ಕರ್ನಾಟಕದ ಎದುರಾಳಿ ಯಾರೆಂದು ಸ್ಪಷ್ಟವಾಗುತ್ತೆ.