ಬರೆಯಲು ತುಂಬಾ ಸಿದ್ಧತೆ ಬೇಕು ಎಂದು ನಾನು ಹೇಳುತ್ತಿಲ್ಲ. ಆದರೆ ಬರೆಯುವಾಗ ಜವಾಬ್ದಾರಿ ಹೆಚ್ಚಿರುತ್ತದೆ. ಅದರಲ್ಲೂ ಈಗಿನ ದಿನಮಾನದಲ್ಲಿ ಹೊಸ ಪೀಳಿಗೆಯವರು ಬರೆದದ್ದನ್ನೆಲ್ಲ ಸತ್ಯ ಎಂದು ತಿಳಿದುಕೊಳ್ಳುತ್ತಿರುವಾಗ ನಮ್ಮ ಹೊಣೆಗಾರಿಕೆ ಹೆಚ್ಚಿನದು. ಇಂದು ಪತ್ರಿಕೋದ್ಯಮದಲ್ಲಿ ರನ್‌ ಆನ್‌ ರೂಪದಲ್ಲಿ ಬರೆದದ್ದೆಲ್ಲ ಆಂಕಣ, ಕಟ್‌ ಮಾಡಿದ್ದೆಲ್ಲ ಕಾವ್ಯ ಎಂಬಂತಾಗಿದೆ. ಈ ಚಾಳಿ ಬ್ಲಾಗ್‌ಗೂ ಬರುವುದನ್ನು ತಪ್ಪಿಸಲಾಗದು. ಆದರೆ ಕನ್ನಡದ ಬ್ಲಾಗ್‌ನ ಈ ಆರಂಭದ ದಿನಗಳಲ್ಲಿ ನಮ್ಮ ಹೊಣೆಗಾರಿಕೆ ಕೊಂಚ ಹೆಚ್ಚಲ್ಲವೆ?
ಕ್ಷಮಿಸಿ, ಸಂಗೀತದ ಚರ್ಚೆಯಲ್ಲಿ ಈ ಮಾತು ಬರೆದೆ. ನಾನು ಸಂಗೀತವನ್ನು ಅಭ್ಯಾಸ ಮಾಡಲು ಆರಂಭಿಸಿದ ಮೇಲೆ ಆಳವಾದ ತಿಳಿವಳಿಕೆ ಏನು ಎಂಬ ಅರಿವಾಗುತ್ತಿದೆ. "ನಾನು ಬರೆದದ್ದೆಲ್ಲ ಟ್ರಾಶ್' ಎಂದು ರಾಜೀವ ತಾರಾನಾಥರು ನಮ್ಮೆದುರು ಕಳೆದ ವರ್ಷ ಹೇಳಿದ್ದು ನೆನಪಾಗುತ್ತದೆ.