ಮಹಾಸ್ವಾಮಿ,

ನಾನು ಬರೆದ ಕಾಮೆಂಟನ್ನು ಮತ್ತೊಮ್ಮೆ ಓದಿಕೊಳ್ಳಿ. ತಮಿಳರು ತೆಲುಗರು ಆದದ್ದರಿಂದ ಪ್ರಮಾದವಾಯಿತು ಎಂದು ನಾನೆಲ್ಲೂ ಹೇಳಿಲ್ಲ. ಶಿವ - "ಸಿವ", ವೆಂಕಟೇಶ - "ವೆಂಕಟೇಸ" ಆಗಬಾರದು ಎಂದದ್ದಷ್ಟೆ. ಅವರ ಭಾಷೆಯಲ್ಲಿ ಅವರು ಹೇಗೆ ಬೇಕಾದರೂ ಉಚ್ಚಾರ ಮಾಡಿಕೊಳ್ಳಲಿ, ಕನ್ನಡ ಪುಸ್ತಕಗಳ ಹೆಸರು ಕನ್ನಡಿಗರಿಗೆ ನೀಡುವಾಗ ಉಚ್ಚಾರ ಸರಿಯಿರಬೇಕೆನ್ನುವುದು ವಿವೇಚನೆ. ತಮಿಳರಾದರೂ ಡಿವಿಜಿ, ಬಿ ಜಿ ಎಲ್, ತೆಲುಗರಾದರೂ ತ ರಾ ಸುರವರು ಹೀಗೆ ಉಚ್ಚಾರ ಮಾಡಿರುವುದು ಕಂಡಿದ್ದೀರಾ?

ಸರಕಾರದ ಪ್ರಾಜೆಕ್ಟುಗಳಲ್ಲಿ ಸಾಕಷ್ಟು ಹಣ ವಿನಿಯೋಗಿಸಲ್ಪಡುತ್ತದೆ. ಅದು ಉತ್ತಮವಾಗಿ ಬಳಕೆಯಾಯಿತು, ಅತ್ಯುತ್ತಮ ದರ್ಜೆಯ ಕೆಲಸ ಅದರಿಂದ ನೆರವೇರಿತು ಎಂಬುದನ್ನು ಖಚಿತಪಡಿಸಿಕೊಳ್ಳುವುದು ಪ್ರಜಾಪ್ರಭುತ್ವದಲ್ಲಿ ಎಲ್ಲರ ಜವಾಬ್ದಾರಿ. ಪ್ರತಿಯೊಂದು ಪ್ರಾಜೆಕ್ಟ್ ಹಿಂದಿರುವ ತಂತ್ರಜ್ಞಾನ ಪ್ರತಿಯೊಬ್ಬರಿಗೂ ಗೊತ್ತಿರುವುದಿಲ್ಲ. ಗೊತ್ತಿರುವವರೂ ಅದರ ಕಳಪೆ ಮಟ್ಟದ ಬಗ್ಗೆ ಬರೆಯದಿದ್ದರೆ ಪ್ರಜಾಪ್ರಭುತ್ವಕ್ಕಂತೂ ಅಧೋಗತಿಯೆ.

ಒಟ್ಟಾರೆ, ಮನೆ ಮುಂದಿನ ರೋಡಿಗೆ ಟಾರು ಹಾಕಿದರು ಎಂದು ಅದರ ಗುಣಮಟ್ಟವೂ ತಿಳಿಯದೆ ವಿಜೃಂಬಿಸಿ "ಟಾರು ಹಾಕಿಲ್ಲವೋ? ಅದಕ್ಕೆ ಖುಷಿ ಪಡೋಣ" ಎಂದಹಾಗಾಯಿತು.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"