ಅನಿವಾಸಿಯವರು ಮತ್ತು ನನ್ನ ಪ್ರತಿಕ್ರಿಯೆಯ ಇತರ ಓದುಗರಲ್ಲಿ ಕ್ಷಮೆ ಕೋರುತ್ತಾ ಒಂದು ಸ್ಪಷ್ಟನೆ ನೀಡಲು ಬಯಸುತ್ತೇನೆ. ನಾನು ಬರೆದಿರುವ 'ಕ್ರಿಶ್ಚಿಯಾನಿಟಿ, ಇಸ್ಲಾಂಗಳಂಥ ಧರ್ಮಗಳಲ್ಲಿರುವ ಸಮಾನತೆ' ಎಂಬ ಸಾಲು ಕೆಲವು ತಪ್ಪು ಅರ್ಥಗಳನ್ನು ಧ್ವನಿಸುತ್ತಿದೆ. ನಾನು ಬರೆಯಬೇಕು ನಾನಂದುಕೊಂಡ ಅರ್ಥ ಹೀಗೆ. ಕ್ರಿಶ್ಚಿಯಾನಿಟಿ ಮತ್ತು ಇಸ್ಲಾಂಗಳ Monolithic ಆದ ಬಾಹ್ಯ ಸ್ವರೂಪವನ್ನು (ಇದೂ ಕೂಡಾ ಒಂದು ಭ್ರಮೆ ಮಾತ್ರ. ಈ ಧರ್ಮಗಳೂ ಸಾಕಷ್ಟು ಭಿನ್ನತೆಗಳನ್ನು ಹೊಂದಿವೆ)ಮಾತ್ರ ನೋಡಿ ಅವುಗಳಲ್ಲಿ ಸಮಾನತೆ ಇದೆ ಎಂದುಕೊಳ್ಳಲಾಗುತ್ತದೆ. ಬ್ರಹ್ಮ ಸಮಾಜದಂಥ ಸುಧಾರಣಾವಾದಿ ಚಳವಳಿಗಳು ವೈದಿಕ ಧರ್ಮವನ್ನು ಈ ಬಗೆಯ ಬದಲಾವಣೆಯೊಂದಕ್ಕೆ ಒಳಪಡಿಸಲು ಪ್ರಯತ್ನಿಸಿದ್ದವು. ಈಗ ಸಂಘ ಪರಿವಾರ ಇದನ್ನು ಮತ್ತೊಂದು ರೀತಿಯಲ್ಲಿ ಮಾಡುತ್ತಿದೆ. ನಾವೆಲ್ಲಾ ಹಿಂದೂ ನಾವೆಲ್ಲಾ ಒಂದು ಎಂಬ ಘೋಷಣೆಯೂ ಇಸ್ಲಾಂನ ಅನುಯಾಯಿಗಳೆಲ್ಲಾ ಒಂದಾಗಿದ್ದಾರೆ. ಕ್ರಿಶ್ಚಿಯಾನಿಟಿಯನ್ನು ಪಾಲಿಸುವವರೆಲ್ಲಾ ಒಂದಾಗಿದ್ದಾರೆ ಎಂಬ ಗ್ರಹಿಕೆಯಿಂದಲೇ ಹೊರಟದ್ದು ಎಂಬುದು ನನ್ನ ಅನಿಸಿಕೆ.

-ಯಾಮಿ