ಕಳೆದ ಕೆಲವು ವರ್ಷಗಳಿಂದ ನಾನು ವಿಶ್ವದ ಹಲವೆಡೆ ಇರುವ ’ಇಸ್ಲಾಂ’ ಮತದ ಜನರ ಬಗ್ಗೆ ಇರುವ ಅನೇಕ ಪ್ರಶ್ನೆ-ಗೊಂದಲಗಳಿಗೆ ಅಲ್ಪ-ಸ್ವಲ್ಪ ಓದಿ-ನೋಡಿ-ಕೇಳಿ ಉತ್ತರಗಳನ್ನು ನಾನೇ ಅರಿಯಲು ಪ್ರಯತ್ನಿಸಿದ್ದೇನೆ, ಆದರೆ ಇದು ಒಂದು ಹಂತಕ್ಕಿಂತ ಮೀರಿ ಹೋಗಿಲ್ಲ. ’ಆವರಣ’ ಈ ಬಗ್ಗೆ ನನ್ನನ್ನು ಹೇಗೆ ಓದಿಸಿಕೊಂಡು ಹೋಗುತ್ತದೋ, ನೋಡಬೇಕು.

ಹೌದು. ಕೃತಿಯ ಮೂಲ ಆಶಯವನ್ನು ಯಾವುದೇ ಪಕ್ಷಪಾತಗಳಿಲ್ಲದೇ ನೋಡಬೇಕೆಂದರೆ ಬರೆದಿರುವವರ ಮತ್ತು ನಮ್ಮ ಓದುಗರ ದೃಷ್ಟಿಯ ಮೂಲಕ ನೋಡಬೇಕು. ಅನಿವಾಸಿ ಅವರು ಹಿಂಜರಿಕೆಯಿಂದ ಭಯಪಟ್ಟಿದ್ದಲ್ಲ, ಎನಿಸುತ್ತದೆ.

ಹಂಸಾನಂದಿ ಅವರೇ, ನಿಮ್ಮ ಓದು-ಸಲಹೆಗಳಿಗೆ ಧನ್ಯವಾದ, ನನಗೆ ಭೈರಪ್ಪನವರ ಬರವಣಿಗೆ, ವಸ್ತು ಇಷ್ಟವಾದರೆ (’ಆವರಣ’ ಓದಿ) ನೀವು ತಿಳಿಸಿದ ಎಲ್ಲಾ ಕಾದಂಬರಿಗಳನ್ನು ಓದುತ್ತೇನೆ, ಶ್ಯೂರ್. ಪ್ರಮುಖವಾಗಿ ನಾನು ದಿ.ಶಿವರಾಮ ಕಾರಂತರ ಅಭಿಮಾನಿ. ಅವರ ಬಹಳಷ್ಟು ಕೃತಿಗಳನ್ನು ಓದಿದ್ದೇನೆ.