ಸುನಿಲ್,

ನಿಮ್ಮ ನೆನಪು ಬಹಳ ಸೊಗಸಾಗಿದೆ. ನಿಜವಾಗ್ಲೂ ನಾನು ಬಿದ್ದೂ ಬಿದ್ದೂ ನಕ್ಕೆ. "ಇಂದು ಎನಗೆ ಗೋವಿಂದ..." ಹಾಡಿನ ಈ ಅಣಕುವಾಡು ನನಗೆ ಇವತ್ತೇ ಗೊತ್ತಾಗಿದ್ದು.

ನನಗೂ "ಸ್ಕೂಲ್ ಮಾಸ್ಟರ್" ಸಿನೆಮಾ ಅಂದರೆ ಸಾಕು ಒಂದು ಬಗೆಯ ನಾಸ್ಟಾಲ್ಜಿಯಾ ಕಾಡುತ್ತದೆ. ಹಾಗಾಗಿಯೇ ಅದರ ಸಿ.ಡಿ.ಯನ್ನು ಖರೀದಿಸಿ ಮನೆಯಲ್ಲೇ ಇಟ್ಟುಕೊಂಡಿದ್ದೀನಿ. "ಸ್ವಾಮಿ ದೇವನೆ..." ಗೀತೆಯನ್ನು ಗುಂಪಿನಲ್ಲಿ ಹಾಡುವ ದೃಶ್ಯ, "ಭಾಮೆಯ ನೋಡಲು..." ಹಾಡಿನಲ್ಲಿ ಕನ್ಯೆಗಿಂತ ಹೆಚ್ಚು ನಾಚುವ ನರಸಿಂಹರಾಜು ಅಭಿನಯ, ಪೆನ್ನಿಗೆ ಇಂಕು ತುಂಬಲು ಬರುತ್ತೋ ಎನ್ನುವ ದೃಶ್ಯ (ಅದರಲ್ಲೂ ಕೊನೆಯಲ್ಲಿ ಶಿವಾಜಿ ಗಣೇಶನ್ ಕೇಳುವಾಗ), ಒಂದೇ ಎರಡೇ? ಎಲ್ಲದಕ್ಕೂ ಕಳಶಪ್ರಾಯವಾಗಿ ಒಡೆದ ಕನ್ನಡಕದ ಗಾಜಿನ ದೃಶ್ಯ! ಒಂದು ಹಾಡಿನಿಂದ ಏನೆಲ್ಲ ನೆನಪಾಗುತ್ತದೆ ಅಲ್ಲವೇ?

ಅಂದಹಾಗೆ, ಈ ಪ್ರತಿಕ್ರಿಯೆಯನ್ನು ಬರೆಯುತ್ತಿದ್ದಾಗ ಅನ್ನಿಸಿದ್ದು: ಸಿನೆಮಾ ಬಗೆಗಿನ ಈ ಕೆಲವು ಮಾಹಿತಿಗಳನ್ನೂ ಮೂಲ ಲೇಖನದಲ್ಲೇ ಸೇರಿಸಿದರೆ ಚೆನ್ನಾಗಿರುತ್ತದೆಯೇನೋ.

ಅಂದಹಾಗೆ ಈ ಸಿನೆಮಾವನ್ನು ನೋಡದಿರುವವರು ಒಮ್ಮೆ ದಯವಿಟ್ಟು ನೋಡಿ. ಇಷ್ಟವಾಗುತ್ತೋ ಬಿಡುತ್ತೋ ಅದು ಆಮೇಲಿನ ವಿಷಯ. "ಸ್ಕೂಲ್ ಮಾಸ್ಟರ್" ಪಂತುಲು ಅವರ ಅತ್ಯುತ್ತಮ ಚಿತ್ರಗಳಲ್ಲೊಂದು. ಈಗಂತೂ ಅರವತ್ತು ರೂಪಾಯಿಗಳಿಗೇ "ಸ್ಕೂಲ್ ಮಾಸ್ಟರ್" ಚಿತ್ರದ ಒರಿಜಿನಲ್ ಸಿ.ಡಿ. ಸಿಗುತ್ತದೆ.

- ಶ್ಯಾಮ್ ಕಿಶೋರ್